Storïau

'Mae Gen i Iâr', Medde Richards Cefen-gâr...

Mary Thomas (1905-83)

Sain:

» Lawrlwytho y recordiad sain


'Mae gen i iâr', medde Richards, Cefen-gâr.
'Nagôs ddim', medde Morgan, Tŷ Gwyn.
'Oes, yn wir', medde Piter, Pen-wern-hir.
'Mae wedi mynd i hedfan', medde Dic, Bron Berllan.
'Le câth hi fwyd?' ddwedodd Leisa, Llwyn Llwyd.
'Mae wedi mynd i ori', mynte Tomos, Bryn Coryn.
['I ble?' mynte Tomos, Pen-dre.
'I'r ffair', mynte Tomos, Llidiart Ffair.]
'Le câth hi wye?' mynte Jacob y Cloddie.
'Yn Tan-bryn', mynte Ianto Gwyn.
'Sawl cyw', mynte Leisa, Troed-rhiw.
'Giar a cheiliog', mynte Tomos, Cae Madog.
'Odyn nhw'n gryfion?' mynte Morgan, Dôl Ebolion.
'Eitha gwan', mynte Richard, Pen-lan. [Chwerthin]

[WT] Odd e'n gwitho'n dda, ond dodd e. Chi'n gwbod pwy odd e? William Jones - odd e'n cadw tafarn fan hyn, yn Pontrhydfendigaid, William Jones odd e. Ie, odd e'n gweitho'n dda, chi'n gwbod.

William Jones -

Red Lion, a mae 'i blant e'n byw fan hyn wedyn.

Ble ma'r Red Lion?

[WT] Tafarn fan hyn yn y Bont [Pontrhydfendigaid]. Wedi bod, ond mae e wedi marw ers blynydde. Ma mab iddo fe'n byw yn Bont, a merch iddo fe'n byw lan sha Tregaron. Ond fydde nhw'n gwbod dim am hwnna.

'Mae gen i iâr', medde Richards, Cefen-gar ... Nawr, y bobol 'ma -

Richard, Cefen-gâr, odd 'i dad e. Odd e'n byw yn Cefen-gâr. Billy Cefen-gâr odd 'i enw e, chwel - Billy, Cefen-gâr. Pan odd e'n grwt ifanc, odd e gatre yn Cefen-gâr ar y ffarm. A wedyn, mi wnâth y rhigwm yna am 'i dad. Ei dad e odd Rhisiart, Cefen-gâr ...

Tua pryd nâth o hwn, dech chi'n meddwl?

O, dim idea.

Cyn ych -

Cyn 'y nyddie i, amser odd e'n fachan ifanc.

Yn oes ych tad, ie?

Ie, yn oes 'y nhad. Ie, yn oes 'y nhad.


  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.