Rydych chi yn:  >   >   > 

Datganiadau i'r Wasg

Mae'r ddalen hon yn dangos newyddion o Amgueddfa Cymru. Dewiswch teitl i ddangos yr erthygl llawn.

38 erthyglau. Tudalen: 1 2 3 4 5 6 7

Baner y Sgowtiaid, a oedd yn gwmni i Scott ar ei daith i’r De, yn rhan o’r casgliad cenedlaethol

Pan ddychwelodd y Terra Nova – llong Alldaith Antarctig Capten Scott – i’w chartref ym mhorthladd Caerdydd ar 14 Mehefin 1913, roedd y Lluman Gwyn yn cyhwfan dros y starn, y Ddraig Goch o’r prif hwylbren ac arfbais dinas Caerdydd o’r hwylbren blaen. Ond roedd banner arall, llai i’w gweld wrth y blaen hefyd, sef baner werdd 4ydd Trŵp Sgowtiaid Caerdydd. 

» Mwy

Gweithdy Am Ddim i Athrawon Cynradd gan Brifardd

Ar Ddydd Gwener Gorffennaf 12 bydd Mererid Hopwood yn cynnal gweithdy ysgrifennu creadigol i athrawon ysgolion cynradd yn Amgueddfa Wlân Cymru, Dre-fach Felindre ac hynny yn rhad ac am ddim i’r athrawon.

Bydd y gweithdy, ‘Gwlân a Geiriau Mân’, yn trafod ffyrdd o droi ymweliad ag amgueddfa yn brofiad creadigol i athrawon a disgyblion trwy ystyried sut i ddefnyddio stori’r diwydiant gwlân yn sbardun ar gyfer sesiynau ysgrifennu creadigol yn y dosbarth.

Yn dilyn taith o gwmpas yr amgueddfa, bydd y diwrnod yn canolbwyntio ar rai o brofiadau’r amgueddfa - o fref y ddafad a sŵn y ffatri i’r blancedi a’r dillad gorau - er mwyn cyflwyno dulliau ysgrifennu creadigol.

Darperir syniadau ymarferol ar gyfer gwersi a all gynorthwyo disgyblion i fwynhau rhoi eu llais eu hunain ar bapur a bydd y gweithdy’n gyfrwng i ddysgu llythrennedd, treftadaeth a chreadigrwydd.

Bydd y gweithdy yn dechrau am 10 y bore tan 3 y prynhawn. Mae llefydd yn gyfyngedig felly rhaid archebu lle trwy gysylltu â Joanna Thomas, Swyddog Addysg Amgueddfa Wlân Cymru ar joanna.thomas@amgueddfacymru.ac.uk  neu ar  02920 573070.

-DIWEDD-

  Am ragor o wybodaeth, cysylltwch â’r Amgueddfa ar (029) 2057 3070

» Mwy

Brand newydd bara lawr

Lansio brand bara lawr newydd yng Nghaerdydd i apelio at y cwsmer iau, metropolitan

» Mwy

Cerflun gan Degas yn cyfoethogi casgliad celf y genedl wrth i orielau ddenu mwy nag erioed o ymwelwyr

Mae cerflun efydd hardd o’r 19eg ganrif gan yr artist argraffiadol o Ffrainc, Edgar Degas, wedi cael cartref parhaol ochr yn ochr â gweithiau celf enwog eraill yr Amgueddfa Genedlaethol yng Nghaerdydd.

» Mwy

Tecstiliau'r Amgueddfa Wlân yn Eisteddfod yr Urdd

Mae casgliadau Amgueddfa Wlân Cymru yn cael lle amlwg ar stondin Amgueddfa Cymru yn Eisteddfod yr Urdd yng Nghilwendeg eleni.

Bydd tecstiliau ddoe, heddiw ac yfory i’w gweld ar y stondin, gyda phwyslais arbennig ar roi cyfleoedd i’r ymwelwyr i gymryd rhan eu hunain. Bydd hyn yn cynnwys cyfleoedd i wau a gwehyddu ac i wisgo dillad o’r 60au. Ddydd Mercher a Ddydd Iau bydd Carys Hedd ar y stondin yn uwch gylchu hen ddillad i fod yn ddillad cyfoes. Ddydd Sadwrn bydd y Clwb Gwau, sydd fel arfer yn cwrdd yn yr Amgueddfa, yn dysgu ymwelwyr i’r stondin sut i wau cacennau o wlân.

Hefyd yn cael eu harddangos ar y stondin bydd amrywiaeth o engreifftiau o’r cynlluniau tecstiliau gorau dros y blynyddoedd ynghyd â chynnyrch gwlân Cymru. Bydd gwaith celf cyfoes, sydd fel arfer i’w weld yr Amgueddfa Wlân Cymru, hefyd i’w weld ar y stondin, gwaith sydd wedi cael ei ysbrydoli gan yr Amgueddfa a’r hanes mae’n ei hadrodd. Mae hyn yn cynnwys tecstiliau wedi’u gwehyddu gan Laura Thomas, printiadau gan Julia Griffiths Jones, a ffrwyth llafur prosiectau sydd wedi cael eu cynnal ar y cyd rhwng yr Amgueddfa a myfyrwyr ysgolion a cholegau.

Dywedodd Ann Whittall, Rheolwr Amgueddfa Wlân Cymru: “Mae’r Eisteddfod dafliad carreg o’r Amgueddfa yma yn Nre-fach Felindre eleni, rhywbeth nad sy’n digwydd bob blwyddyn wrth gwrs. Gan obeithio y gwneith y gweithgareddau ar y stondin godi chwant ar yr ymwelwyr, tra eu bod yn yr ardal, i ymweld â’r Amgueddfa ei hun, sydd am ddim, i gwrdd â’n crefftwyr, i fwynhau taith dywys ac am luniaeth yn y café.

Ychwanegodd: “Mae’r casgliadau yn yr Amgueddfa yn adrodd stori Cymru a chasgliadau’r bobl ydynt felly gobeithio y gwneith ymwelwyr i’r Eisteddfod achub ar y cyfle, wrth ymweld ag un digwyddiad diwylliannol, i ddod i ddysgu hyd yn oed mwy am eu treftadaeth.”

Mae lleoliad stondin Amgueddfa Cymru wedi’i leoli i’r chwith wrth i chi ddod i’r maes drwy’r brif fynedfa.

 -DIWEDD- 

Am wybodaeth bellach cysylltwch â’r Amgueddfa ar 029 2057 3070

» Mwy

Strwythur newydd Amgueddfa Cymru

Yn dilyn ymgynghoriad 90 diwrnod â staff ac undebau llafur, heddiw (13 Mai) cyhoeddodd Amgueddfa Cymru strwythur newydd ar gyfer y sefydliad.

» Mwy
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.