Rydych chi yn:  >   >   > 

Datganiadau i'r Wasg

Seren rhaglen The Call Centre, Nev Wilshire yn galw yn y Glannau

Mae’n bleser gan Amgueddfa Genedlaethol y Glannau groesawu Nev Wilshire, un o feibion Abertawe a seren rhaglen y BBC The Call Centre, fydd yn ymuno â ni ar ddydd Sul 27 Ebrill am 2.30pm i rannu cyfrinachau ei lwyddiant busnes gwobrwyog.

Yma yn Abertawe y dechreuodd Nev ar ei daith lwyddiannus i uchelfannau’r byd busnes ac un o sylfaenwyr a Prif Weithredwr Gr┼Áp Save Britain Money. Mae bellach yn lysgennad dros ddiwydiannau a mentrau newydd yng Nghymru.

Yn dilyn y sgwrs, bydd Nev yn llofnodi copïau o’i lyfr newydd, Happy People Sell sy’n rhannu cyfrinachau ei ddull rheoli anghyffredin gan gynnwys canu gorfodol, canfod cariadon, gornestau ymaflyd breichiau a gweiddi yn ddi-flewyn ar dafod. Bydd y llyfr ar werth yn siop yr Amgueddfa ac ar gael i’w lofnodi gan Nev ei hun o 3.30pm ymlaen.

“Mae’n bleser cael croesawu Nev Wilshire i’r Amgueddfa ar ddydd Sul – bydd yn ddiweddglo llawn hwyl i wyliau’r Pasg,” meddai’r Swyddog Digwyddiadau, Miranda Berry.

“Bydd hefyd yn gyfle gwych i’n hymwelwyr glywed sut aeth Nev ati i adeiladu ei ymerodraeth – o ddechrau busnes i greu ysbryd tîm mewn diwydiant modern,” meddai.

Wrth edrych ymlaen at ymweld â’r Amgueddfa dros y penwythnos, dywedodd Nev:“Mae pobl yn dweud o hyd taw Canolfannau Galw yw’r ffatrïoedd modern, felly mae’r Amgueddfa yn lle delfrydol i fi siarad!

“Rwy’n edrych ymlaen at ymweld – fel Jack Abertawe balch rwy’n gwerthfawrogi gwaith y staff yn cadw ein treftadaeth ddiwydiannol yn fyw.”

Dyddiad: 24 Ebrill 2014
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.