Rydych chi yn:  >   >   > 

Datganiadau i'r Wasg

HWYL YR HANNER TYMOR YN AMGUEDDFEYDD CAERDYDD

Mae drysau’r ysgol dan glo ond mae digonedd o ddigwyddiadau, gweithgareddau ac arddangosfeydd i’ch diddanu chi a’r plant yn Amgueddfa Genedlaethol Caerdydd a Sain Ffagan Amgueddfa Werin Cymru dros yr hanner tymor. Rhwng 22 a 28 Chwefror dewch i fwynhau celf a chrefft, archaeoleg, garddio, hanes natur a llawer mwy – ac mae mynediad AM DDIM!

 

Wythnos hanner tymor fydd eich cyfle olaf i weld trysorau cynhanesyddol, canoloesol ac Oes Efydd Cymru yn Amgueddfa Genedlaethol Caerdydd cyn iddynt gael eu symud Sain Ffagan Amgueddfa Werin Cymru. Dewch i oriel Gwreiddiau: Canfod y Gymru Gynnar cyn dydd Llun 3 Mawrth 2014 i weld eich hoff wrthrychau archaeolegol. 

Yn ein gweithdai Rwy’n Caru Archaeoleg rhwng 11am a 4pm ar 22-28 Chwefror, bydd cyfle i ddysgu mwy am ein casgliadau a chyfrannu at waith celf ar y cyd.

Dewch i ddysgu mwy am ŵr angof esblygiad, Alfred Russel Wallace, yn ein harddangosfa hanes natur hynod. Bydd gweithdai delfrydol i deuluoedd hefyd, Welwch chi Wallace?, am y cawr o wyddonydd o Oes Fictoria am 11am, 1pm a 3pm, 22-28 Chwefror.

Hefyd i’w gweld yn Amgueddfa Genedlaethol Caerdydd mae arddangosfa o ddarluniau Syr Peter Blake o Under Milk Wood. Dyma benllanw project 25 mlynedd gan yr artist ac mae’n cynnwys portreadau, collages a darluniau o bentref dychmygol Llareggub. Cewch weithio gydag artist yn ein Gweithdy Darlunio i ddarlunio geiriau cyfarwydd a chreu collages (25-28 Chwefror, 11.30am, 1.30pm a 3.30pm).

Mae rhaglen Sain Ffagan Amgueddfa Werin Cymru hefyd yn llawn gweithgareddau gwych ar gyfer pawb o bob oed. Bydd Cert Celf enwog yr Amgueddfa ar gael bob dydd yn ystod y gwyliau a bydd sesiynau wedi’u hwyluso yn trafod byd natur (24-28 Chwefror 2014, 11am-1pm a 2pm-4pm).

Yn Sain Ffagan dewch draw i’n Gweithdai Cynaliadwyedd arbennig i weld sut oedd pobl yn coginio, cadw’n gynnes ac adeiladu tai yn y gorffennol (25-28 Chwefror, 11am, 1pm a 3pm). A pha le gwell i ddathlu Dydd Gŵyl Dewi a diwedd y gwyliau na Sain Ffagan? Ymunwch â ni ar Fawrth y cyntaf am ddawnsio gwerin, pobi traddodiadol, cennin Pedr anferth a phicen ar y maen am ddim!

Diolch i gefnogaeth Llywodraeth Cymru mae mynediad am ddim i’r ddwy Amgueddfa.

Dyddiad: 20 Chwefror 2014
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.