Rydych chi yn:  >   >   > 

Datganiadau i'r Wasg

Ymchwil i Wyddoniaeth Rhyw ar ddydd Sant Ffolant

Awydd gwneud rhywbeth ychydig yn wahanol ar ddydd Sant Ffolant? Galwch draw i Amgueddfa Genedlaethol y Glannau i glywed Rosie Wilby a gyrhaeddodd rownd derfynol Funny Women yn trafod Gwyddoniaeth Rhyw.

Ar ddydd Gwener 14 Chwefror am 7pm, bydd Rosie yn ymchwilio i wyddoniaeth atyniad, cemeg rhyw a hunaniaeth rhyw yn ei sioe gomedi wobrwyog. Gwerthwyd pob tocyn ar gyfer y sioe yng Ngŵyl Wyddoniaeth Caergrawnt ddwy flynedd yn olynol.

Pam fod rhai pobl yn fwy deniadol nag eraill? A yw affrodisiaid yn gweithio? Beth sy’n ein cyffroi? Beth yw fferomonau? Beth sy’n digwydd yn gemegol pan fyddwn ni’n cwympo mewn cariad? Beth yw tarddiad gwyddonol cusanu? Bydd Rosie yn ymchwilio i hyn, a llawer mwy.

“Mae’n bleser cael cynnal y sioe hon ar ddydd Sant Ffolant,” meddai’r Cynorthwy-ydd Digwyddiadau, Andrew Kuhne. “Mae’n gyfle gwych i gynnig arlwy gwahanol i oedolion ac rydyn ni’n gobeithio’n fawr y bydd pobl yn bachu ar y cyfle.”

Wrth siarad am y sioe dywedodd Rosie Wilby: “Dyma un o fy hoff sioeau i’w pherfformio ac un sy’n parhau yn ffefryn gan gynulleidfaoedd. Mae’n bwnc mor ddiddorol, a bydda i’n dysgu cymaint wrth drafod gyda’r gynulleidfa wedi’r sioe a gwrando ar eu profiadau, ac wrth drafod ymchwil gyda gwyddonwyr ac awduron.”

Sioe i oedolion yn unig yw Gwyddoniaeth Rhyw. Pris tocyn yw £5 y pen ac rydym yn eich annog i archebu ymlaen llaw drwy ffonio (029) 2057 3600.

Nodiadau i’r golygydd

Am Gwyddoniaeth Rhyw

Enillodd y sioe wobr Fringe Report yn 2010 a gwerthwyd pob tocyn yng ngwyliau Camden Fringe, Liverpool Comedy Festival, Cambridge Science Festival a llawer mwy. Mae hefyd wedi perfformio’r sioe yng Ngŵyl y Dyn Gwyrdd 2012, Larmer Tree Festival 2013 a’r Fresh Fruit Festival yn Efrog Newydd yn 2013.

Roedd ei chymeriad love doctor mor llwyddiannus nes i London South Bank ofyn iddi arwain eu menter cymar-cyflym llenyddiaeth ar Ddiwrnod y Llyfr 2011. Cafodd gais hefyd gan Sŵ Llundain i ymddangos yn eu Twisted Cabaret ym misoedd Mai a Mehefin 2011 a dyma hi’n perfformio sesiynau cwnsela cyplau ffug yng Ngŵyl Ffilmiau Lesbiaidd a Hoyw Llundain 2012.

Dyddiad: 11 Chwefror 2014
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.