Rydych chi yn:  >   >   > 

Datganiadau i'r Wasg

Disgyblion lleol yn meddiannu’r Amgueddfa

Ar ddydd Llun 18 Tachwedd, bydd disgyblion lleol Ysgol Gynradd Clwyd yn Abertawe yn cyfnewid eu gwerslyfrau am wrthrychau hanesyddol, wrth iddyn nhw feddiannu Amgueddfa Genedlaethol y Glannau.

Trefnwyd y digwyddiad fel rhan o Kids in Museums, menter ar draws y DU sy’n rhoi cyfle i blant a phobl ifanc wylio staff wrth eu gwaith, cyfrannu at benderfyniadau a lleisio’u barn ar faterion allweddol. 

I fwy na 29 o ddisgyblion 9 a 10 oed, bydd hwn yn gyfle unigryw i weithio gyda’r awdur a’r darlunydd lleol, Thomas Docherty, a dewis 10 gwrthrych allweddol cyn eu troi’n lwybr a/neu weithgaredd ar gyfer ymwelwyr eraill.

“Rydyn ni wrth ein bodd yn cymryd rhan yn y Diwrnod Meddiannu eto eleni,” meddai’r Swyddog Addysg Ffurfiol Mandy Westcott. “Bydd yn gyfle gwych i’r disgyblion fynd i’r afael â thrysorau cudd yr Amgueddfa ac i ddatblygu eu sgiliau llythrennedd y tu hwnt i’r stafell ddosbarth.”

Wrth drafod y diwrnod, dywedodd Swyddog Lles Ysgol Gynradd Clwyd, Jonathan Kidwell: “Mae’r plant yn llawn cyffro o gael y cyfle arbennig hwn i chwilota yn yr Amgueddfa. Er eu bod nhw wedi ymweld o’r blaen, mae’n gyfle iddyn nhw ddewis pethau sydd o ddiddordeb iddyn nhw ac i gydweithio er mwyn rhannu hyn ag ymwelwyr eraill.”

Meddai Dea Birkett, Cyfarwyddwr Kids in Museums: “Rydyn ni wrth ein bodd y bydd Amgueddfa Genedlaethol y Glannau yn cynnal Diwrnod Meddiannu yng Nghymru, gan roi lle pwerus a phwrpasol i blant mewn amgueddfa.

“Pa syndod bod yr Amgueddfa’n cynnig cymaint i blant gan iddi ennill Gwobr Amgueddfa Ystyriol o Deuluoedd. Mae digwyddiadau fel yma yn brawf arall o hyn.”

DIWEDD

Nodiadau i’r golygydd

Am ragor o wybodaeth am y Diwrnod Meddiannu a phwy sy’n cymryd rhan, ewch i www.kidsinmuseums.org.uk/takingover a’u dilyn ar Twitter @takeovermuseums

Dyddiad: 15 Tachwedd 2013
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.