Rydych chi yn:  >   >   > 

Croeso a diolch am eich diddordeb mewn gwirfoddoli yn Amgueddfa Cymru.

Mae'n hamgueddfeydd yn llawn o wrthrychau diddorol a phrojectau atyniadol i'ch ysbrydoli a'ch diddanu.

Fel gwirfoddolydd gallwch wneud cyfraniad pwysig. Gall wirfoddoli gynyddu'r sgiliau a'r wybodaeth sydd ar gael yn Amgueddfa Cymru a chyflwyno gwedd newydd ar ein gwaith.

Gall gwirfoddoli gynnwys helpu ymwelwyr i fwynhau trin gwrthrychau yn ein horielau enwog, catalogio sbesimenau y tu ôl i'r llenni gyda staff arbenigol neu gael pridd ar eich dwylo yn ein gerddi hardd, hanesyddol.

Dyma'r casgliadau cenedlaethol sy'n perthyn i bobl Cymru. Felly beth am ymuno â ni i reoli, cadw ac arddangos ein treftadaeth?

Mae pedair ffordd i wneud hyn:

Gwirfoddoli

Rolau ar gael ar gyfer y tymor byr a hir. Ar gyfer oedolion dros 18 oed.

» Mwy o wybodaeth am wirfoddoli

Profiad gwaith

Ar gyfer myfyrwyr ysgol 15-18 oed.

» Mwy o wybodaeth am brofiad gwaith

Lleoliadau gwaith

Gellir gofyn am leoliad fel rhan o gwrs astudio ffurfiol. Ar gyfer myfyrwyr addysg uwch dros 18 oed.

» Mwy o wybodaeth am leoliadau gwaith a hyfforddi

Prentisiaethau

Ar gyfer dysgu wrth wneud y swydd.

» Mwy o wybodaeth am brentisiaethau

Yn fuan byddwch yn gallu chwilio yma am rolau sy'n gweddu i'ch sgiliau a'ch diddordebau ym mhob un o'n hamgueddfeydd a gwneud cais amdanynt.

Ar hyn o bryd mae rhyw 50 o wirfoddolion yn gweithio gyda ni. Fel gwirfoddolydd byddwch yn dysgu sgiliau newydd, rhannu gwybodaeth arbenigol, ehangu'ch diddordeb mewn pwnc penodol ac ennill profiad gwerthfawr a mwynhau ar yr un pryd.

Gwirfoddoli
Gwirfoddoli
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.