Trosolwg
Golwg ar du allan y Pentref Geltaidd yn Amgueddfa Werin Cymru Sain Ffagan
Dewislen
Ail-grewyd tri o gytiau crynion wedi'u seilio ar olion adeiladau o'r Oes Haearn lle bu archaeolegwyr yn cloddio. Mae'r tŷ â'r waliau cerrig wedi'i seilio ar dŷ a ganfuwyd yn Conderton, Swydd Warwick; y tŷ plethwaith cyntaf wedi'i seilio ar un o fryngaer Moel-y-gaer, Clwyd; a'r tŷ mawr sydd â physt yn cynnal y to wedi'i seilio ar olion o Foel-y-gerddi, Gwynedd.
Toeau gwellt sydd i'r tri ac mae palisâd a ffos yn amddiffyn y safle.
Y tu mewn i'r tai, gwelir gwyddiau ar gyfer gwehyddu, pentanau haearn, breuanau ŷd ac offer arall ar gyfer bywyd bob dydd yn y cyfnod.
Pentref Celtaidd
Cewch ddarganfod celf, archeoleg, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!
Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.
Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.
Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.
Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.
Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.
Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.
Gwefan newydd cyffrous yw 'Rhagor' lle cewch ddysgu rhagor am ein casgliadau hynod.