Llogi Cyfleusterau a Phriodasau

Sain Ffagan: Amgueddfa Werin Cymru yw un o brif amgueddfeydd awyr agored y byd ac atyniad treftadaeth mwyaf poblogaidd Cymru. Saif yr amgueddfa mewn 100 erw o dir gwledig prydferth ar gyrion Caerdydd ar dir Castell godidog Sain Ffagan, maenordy o ddiwedd yr 16eg ganrif oedd yn rhodd gan Iarll Plymouth. Mae'n gartref i dros ddeugain o adeiladau hanesyddol a symudwyd garreg wrth garreg o wahanol rannau o Gymru ac yn dangos i ni sut roedd y Cymry'n byw ac yn gweithio drwy'r oesoedd.

Gall Sain Ffagan gynnig sawl lleoliad unigryw heb eu hail ar gyfer digwyddiadau corfforaethol a phreifat mawr a bach o dderbyniadau diodydd, ciniawau gala a gwleddoedd priodas i gynadleddau, seminarau a chyfarfodydd. Cliciwch ar y dolenni isod am ragor o wybodaeth.

Darperir arlwy yn fewnol gan yr arlwywr sector celfyddydau a threftadaeth arbenigol, Elior. Mae'r tîm profiadol hwn yn darparu bwydlenni sy'n ysbrydoli a gwasanaeth di-ail. Caiff y bwyd ei baratoi ar y safle gan ddefnyddio cynhwysion lleol ffres ar bob cyfle posibl.

Mae'n bleser gennym gynnig gostyngiad ar gyfradd llogi yn ystod y dydd i elusennau cofrestredig, cyrff addysg ffurfiol, grwpiau cymunedol a Llywodraeth Cynulliad Cymru.

Gellir llogi Cyfleusterau ychwanegol yn cynnwys: System lwyfannu a goleuo, gliniaduron, taflunwyr data, teledu a chwaraewr DVD.

Am wybodaeth bellach lawrlwythwch ein llyfryn a'n bwydlenni PDF o'r dudalen hon neu gwnewch apwyntiad i ymweld â'r lleoliad gyda aelod o'n tîm Llogi Cyfleusterau.