Llyfrgell Luniau
Mae gan Amgueddfa Cymru lyfrgell o ddelweddau sydd heb ei ail. Mae'n amrywio o gelf Argraffiadol i dreftadaeth ddiwydiannol Cymru. Mae’r casgliad yn cwmpasu darluniau botanegol, delweddau archeolegol sy’n cynnwys y Rhufeiniaid a'r Celtiaid, hanes natur, bywyd gwerin, hanes diwydiant a morwriaeth.
Mae’r casgliad celf ryngwladol yn Amgueddfa Cymru’n drysor cudd i lawer o ymchwilwyr lluniau ac mae’n cynnwys gweithiau o’r Dadeni hyd heddiw. Mae’n arbennig o gryf ym maes celf gain a chymwysedig Prydain ac Ewrop, gyda gweithiau gan Millet, Renoir, Monet, Van Gogh a Cézanne.
Gwasanaethau
Atgynhyrchu masnachol
Gellir cael delweddau i’w hatgynhyrchu mewn cyhoeddiadau, ffilmiau, ar y teledu a thrwy gyfryngau eraill. Gellir gwneud ymholiadau trwy lythyr neu e-bost.
Codir ffi atgynhyrchu a thrafod am ddefnyddio unrhyw ddelweddau.
Ein nod yw cwblhau archebion cyn pen 10 diwrnod gwaith, neu gallwn ni gynnig gwasanaeth 3 diwrnod am £25 ychwanegol.
Gwerthu Printiau
Mae delweddau o’r casgliadau ar gael i’r cyhoedd eu prynu ar ffurf printiau hefyd.
Ein nod yw cwblhau archebion cyn pen 10 diwrnod gwaith.
Ymholiadau
Ansicr a oes gennym ni’r pethau rydych chi’n chwilio amdanynt? Rydyn ni’n cynnig gwasanaeth chwilio am £25 + TAW am hyd at 1 awr a chyfradd o £30 yr awr o hynny ymlaen: Ymholiadau
Hawlfraint
Amgueddfa Cymru sydd biau’r hawlfraint ar yr holl ddeunyddiau ffotograffig sy’n gysylltiedig ag eitemau yn y casgliadau. Rhaid priodoli unrhyw ddelweddau ffotograffig i 'Amgueddfa Genedlaethol Cymru'.
