Hanes y Llyfrgell
Pan sefydlwyd Amgueddfa Genedlaethol Cymru, penodwyd y Llyfrgellydd cyntaf ym 1914, dair blynedd ar ôl dechrau gwaith adeiladu'r Amgueddfa.
Yn y 1920au fe symudwyd casgliad gwreiddiol y Llyfrgell i lyfrgell a godwyd yn arbennig. Yn ddiweddarach fe symudwyd llawer o ddeunydd perthnasol i'r adrannau unigol er mwyn creu llyfrgelloedd adrannol. Erbyn hyn, yr ystafell wreiddiol yw'r Prif Lyfrgell neu'r Llyfrgell Gyffredinol, yn Amgueddfa Genedlaethol Caerdydd.
Prif bwrpas y Llyfrgell yw gwasanaethu'r staff curadurol, ynghyd â chydweithwyr eraill. Ychwanegir tua 3000 o gyfrolau at y casgliad bob blwyddyn, drwy eu prynu, derbyn cyfraniadau a chyfnewid. Erbyn hyn mae dros 200,000 o fonograffau a chyfnodolion wedi'u rhwymo yn y casgliad, ac ar hyn o bryd mae'r Llyfrgell yn derbyn 1200 cyfnodolyn.
Yn ogystal â'r deunydd cyfair cyffredinol a'r casgliad am amgueddfeydd, mae'r Prif Lyfrgell yn cynnwys yr holl lyfrau cyn 1701, ynghyd â nifer o gasgliadau arbennig eraill, er enghraifft casgliad Willoughby Gardner o lyfrau cynnar am fyd natur.
Mae gwahanol safleoedd yr Amgueddfa gyda llyfrgelloedd a gellir gwneud gwaith ymchwil yno drwy apwyntiad: Amgueddfa Genedlaethol Caerdydd, Sain Ffagan: Amgueddfa Werin Cymru, Amgueddfa Lechi Cymru, Amgueddfa Lleng Rufeinig Cymru, Amgueddfa Wlân Cymru ac Amgueddfa Genedlaethol y Glannau.
Mae tri aelod llawn-amser a dau aelod rhan-amser yn gweithio ym Mhrif Lyfrgell yr Amgueddfa, ac fe geir Llyfrgellydd llawn-amser yn Sain Ffagan hefyd.
Dewiswch gategori o'r rhestr isod i ddarganfod rhagor am gasgliadau'r Llyfrgell.
Am wybodaeth ynglŷn â mynediad at y casgliadau dewiswch
