Llogi
Mae ein amgueddfeydd yn cynnig dewis eang o gyfleoedd ar gyfer dathliadau, gweithgareddau, digwyddiadau a chyfarfodydd o bob math. A'r cyfan mewn lleoliadau sy'n addas i'ch anghenion chi. Mae lleoliadau ar gael hefyd ar gyfer Ffilmio a Ffotograffiaeth.
Cewch ddewis o'r lleoliadau unigryw yma:
Amgueddfa Genedlaethol Caerdydd, sydd wrth galon y brifddinas. Mae'n cynnig y Brif Neuadd fawreddog, orielau celf sydd heb eu hail, theatr ddarlithio ac ystafelloedd cyfarfod gyda'r holl offer angenrheidiol.
Mae Amgueddfa Genedlaethol y Glannau yn Abertawe'n adrodd hanes pobl, diwydiannau a blaengaredd Cymru. Mae'n cynnig warws trawiadol i gynnal gwleddoedd, balconïau â golygfeydd gwych dros y ddinas a'r marina, iard anferth a llawer iawn mwy.
Mae Sain Ffagan: Amgueddfa Werin Cymru yn cynnig castell i gynnal priodasau a Sefydliad Gweithwyr Oakdale, gyda'i neuadd gyngherddau hyblyg, a'r cyfan mewn dros 100 erw o diroedd a gerddi hanesyddol.
…neu, am achlysur bythgofiadwy, beth am gynnal eich digwyddiad mewn pwll glo, chwarel lechi, melin wlân neu gaer Rufeinig?
Gyda thimau proffesiynol ac ymroddgar ar yr holl safleoedd, gallwn ni eich helpu chi i wneud yr holl drefniadau i sicrhau diwrnod didrafferth ac effeithlon.
I gael rhagor o wybodaeth, ffoniwch (029) 2057 3500 a dywedwch pa leoliad sydd gennych chi mewn golwg neu lawrlwythwch y llyfryn isod.
