Croeso nôl i'r Hebogiaid Tramor ar Dŵr y Cloc yn 2013
O Ebrill tan ddiwedd Gorffennaf 2013
Dechreuodd yr Hebogiaid Tramor, gafodd eu henwi'n Gavin a Stacey gan ysgol leol, nythu ar dŵr y cloc yn 2007, ar âl erlid pâr o gigfrain oddi yno a dwyn eu nyth.
Mae nhw wedi cael ychydig o lwyddiant yn bridio dros y blynyddoedd. Dyma nhw'n magu un plentyn y llynedd, benyw oedd yn dal yn y tŵr ym mis Medi.
Mae'r pâr wedi cadw'n dawel hyd yn hyn eleni, ond er gwaethaf y tywydd oer mae'r benyw wedi dodwy wyau ac wedi bod yn gori ers 20 Mawrth.
Gobeithio y byddan nhw'n llwyddiannus eleni eto.
Bydd yr RSPB yn cynnal digwyddiadau achlysurol ar benwythnosau yn y gwanwyn a'r haf yng Ngerddi Gorsedd, lle bydd cyfle i gael cip agosach drwy sbienddrych. Yn y cyfamser, cofiwch gadw llygad ar y Camera Hebogiaid i weld sut hwyl sydd arnyn nhw.
Am y hebogiaid tramor
Hebogiaid Tramor
Adar cyflyma’r byd!
Mae hebogiaid yn hoffi nythu mewn llefydd uchel, lle na fydd neb yn tarfu arnynt. Felly mae tŵr cloc Neuadd Dinas Caerdydd yn lle delfrydol. Gallant weld eu hysglyfaeth yn rhwydd o ben y tŵr.
Maen nhw’n bwyta amrywiaeth eang o adar, o fronfreithod i golomennod. Wrth ymlid ysglyfaeth, gallant hedfan cymaint â 180 cilomedr yr awr (112 milltir yr awr).
Mae hebogiaid yn tueddu i baru am oes. Mae’r heboges yn dodwy 3 neu 4 wy ac mae’r cywion yn gadael y nyth ymhen 4 mis fel rheol.
Os bydd hebogiaid Neuadd y Ddinas yn cael cywion, gallwn ni ddisgwyl gweld arwyddion o fywyd newydd yn y nyth ym mis Mai.
Aderyn mewn perygl ar ei ffordd nôl
Mae Hebogiaid Tramor wedi bod mewn perygl ers amser maith. Mae pobl wedi bod yn euog o ddwyn eu hwyau; eu saethu a hyd yn oed eu gwenwyno.
Roedd y plaladdwyr a ddefnyddiwyd yn gyffredin yn ystod y 1950au a’r 1960au yn lladd yr adar mewn oed ac yn gwanhau plisg eu hwyau gan beri iddyn nhw dorri wrth ddeori.
Mae gwell amddiffyniad cyfreithiol a rheolaeth ar blaleiddiaid wedi helpu i gynyddu nifer yr hebogiaid yn y DU o 400 pâr yn y 1960au i bron i 1,500 o barau heddiw.
Ond mae angen ein cymorth ni arnynt o hyd. Bob blwyddyn mae adar yn cael eu saethu neu eu gwenwyno, a nythod yn cael eu hysbeilio.
Mae angen gwneud rhagor i amddiffyn yr adar hynod hyn. I gael rhagor o wybodaeth, ewch i www.rspb.org.uk/birdsofprey.
Ffotograffiau o'r hebogiaid
Ffotograffiau hebogiaid
Newydd!
Gosodir camera agos ar waith erbyn Mis Ebrill, gan roi golygfeydd gwych i ni o'r nyth. Dewch yn ôl i'w weld.
Hoffech chi wirfoddoli?
Hoffech chi wirfoddoli gyda'r RSPB ar y project hebogiaid? Ffoniwch Laura Reynolds ar (029) 2035 3276 neu ebostio laura.reynolds@rspb.org.uk
I weld pa weithgarwch mae ein gwirfoddolwyr wedi'i weld yn y nyth, ewch i'n tudalennau ar y we
Camerâu byw
Gweld Archwilio ein Coedwigoedd am fwy o gamerâu byw.