Gweithdai Celf: 1950'au

Wedi ei ysbrydoli gan arddangosfa newydd sbon Oriel 1 'Atgofion Eidalwyr yng Nghymru', dewch i ymuno a'r gweithdy celf hwn i edrych ar batrymau a dyluniau yr 1950'au.

Cyfle perffaith i dorchi llawes a chreu llanast wrth wneud collage, printiau a stensiliau.

Cyfyngir y niferoedd ar y gweithgaredd poblogaidd hwn felly peidiwch anghofio archebu o flaen llaw i arbed siom!

Ar ôl yr Ail Ryfel Byd, cefnodd llu o Eidalwyr ar eu mamwlad er mwyn chwilio am ddyfodol gwell.

Daeth llawer i Gymru, a sefydlu caffis, busnesau hufen iâ a siopau sglodion yma.

Cafodd y rhan fwyaf o’r Eidalwyr groeso cynnes gan y Cymry, ac fe’u dilynwyd gan ffrindiau a pherthnasau eraill yn fuan wedyn.

Trwy waith caled a dyfalbarhad, llwyddodd yr Eidalwyr i ennill eu plwyf ymhlith y Cymry. Fe wnaethant ymdoddi’n dda, rhedeg busnesau llwyddiannus a datblygu’n ffigurau lleol a chenedlaethol uchel eu parch.

Roedd diwylliant a thraddodiadau’r Eidal yn cyd-fyw â rhai Cymru.

Gwelwch Atgofion Eidalwyr yng Nghymru yn Sain Ffagan.