Amgueddfa Cymru

Ni sy’n newid y blaned. Dysgwch y gwirionedd am newid yn yr hinsawdd yn Amgueddfa Genedlaethol y Glannau.

Nid oes gan brif wyddonwyr y byd unrhyw amheuaeth bod gweithgarwch dynol yn newid ein hinsawdd.

Yn ôl y Panel Rhynglywodraethol ar Newid yn yr Hinsawdd mae’r dystiolaeth yn ‘ddiamwys’ mai gweithgarwch dynol sy’n gyfrifol am y cynhesu sydd wedi digwydd ers dechrau’r oes ddiwydiannol.

Mae’r arddangosfa hon yn ateb y prif gwestiynau am newid yn yr hinsawdd:

• Sut ydyn ni’n gwybod mai gweithgarwch dynol sy’n gyfrifol?
• Oni fydd newid yn yr hinsawdd yn gwneud bywyd yn fwy cyfforddus ac yn fwy heulog ym Mhrydain?
• Ydy hi’n rhy hwyr i newid?
• Does dim pwynt i fi wneud dim nag oes?
• Beth yw’r pwynt i ni newid os na fydd Tsieina ac America’n newid?
• Beth yw newid peryglus yn yr hinsawdd?
• Rhy boeth – rhy gyflym! Ydy’r peth mor bwysig â hynny?

Os oes gennych gwestiynau eraill yr hoffech eu holi, postiwch nhw ar ein blog ar y we.

Newid yn yr hinsawdd yw’r prif fygythiad i fywyd ar ein planed. Dysgwch beth yw’r goblygiadau i Gymru, y Byd a chenedlaethau’r dyfodol.

Mae nifer o ffyrdd y gallwch chi wneud gwahaniaeth.

Y cam cyntaf yw deall newid yn yr hinsawdd.