Lleoliadau gwaith
Lleoliadau gwaith a hyfforddi
Gall lleoliad gwaith gyd-fynd â'ch astudiaethau a darparu i chi flas cynnar o'r dyfodol ymarferol yn yr alwedigaeth rydych wedi'i dewis.
Mae lleoliadau gwaith yn ffordd wych i ennill profiad wrth wneud y swydd, archwilio posibiliadau gyrfaol, dangos menter a chyfrifoldeb a datblygu eich sgiliau rhyngbersonol. Bob blwyddyn mae gan Amgueddfa Cymru nifer fach o leoliadau sy'n gysylltiedig â chyrsiau ond yn anffodus mae'r galw wastad yn fwy na'r ddarpariaeth. Mae llwyddiant y ceisiadau'n dibynnu ar baru clir rhwng y projectau neu'r gwaith sydd ar gael yn ein hadrannau ac amcanion cwrs yr ymgeisydd.
Gyda'n saith amgueddfa genedlaethol ledled Cymru mae gan ein hadrannau lawer o wybodaeth ac maent yn berthnasol i lawer o bynciau academaidd gan gynnwys y canlynol:
- Archeoleg a Niwmismateg
- Celf
- Bioamrywiaeth a Bywydeg Gyfundrefnol
- Cadwraeth
- Daeareg
- Hanes
- Diwydiant
Mae lleoliadau bob tro'n cael eu cytuno am gyfnod penodol o amser gydag ymroddiad wythnosol lleiafsymiol sydd fel arfer yn ystod oriau swyddfa dydd Llun-Gwener. Yr oed lleiaf i ymgeisio yw 18 ac nid oes cyfyngiad uchaf ar oedran.
Os ydych yn llwyddiannus trefnwn gyfweliad anffurfiol i wneud yn siŵr bod y ddwy ochr yn fodlon. Cymerir geirdaon ar gyfer pob rôl wirfoddoli.
Sut i ymgeisio
Ysgrifennwch atom gan fanylu ar y canlynol:
- yr hyn rydych yn gobeithio ei gael o'r lleoliad
- beth yw'ch prif feysydd o ddiddordeb
- pa adran hoffech fod ynddi
- pa gwrs rydych yn ei astudio
- pa ddyddiadau rydych ar gael
Danfonwch y wybodaeth hon at Sian Layton, Cydlynydd Gwirfoddoli fydd yn ailgyfeirio eich cais at yr adran berthnasol:
Sian Layton, Cydlynydd Gwirfoddoli
Amgueddfa Cymru
Parc Cathays
Caerdydd CF10 3NP
Ebost Sian
Noder: Os na allwn ddod o hyd i leoliad gwaith i chi beth am edrych ar ein hadran wirfoddoli? Gallwch weld ein cyfleon cyfredol neu ymgofrestru i gael rhybudd ebost pan fo rôl newydd yn codi.