Silence At Sea - Fields On Fire

Am Silence At Sea

Dechreuodd Silence at Sea fel deuawd bachgen a merch, gitâr a llais. Ychydig bach fel Simon a Garfunkel - pe tai Garfunkel yn ferch a phe tai sbectol gyda Simon.

Yn wahanol i Simon a Garfunkel, tyfodd y deuawd yn bumawd gan ychwanegu clychau taro, feiolin, niwl y radio, bas a theipiadur.

Fe'u disgrifiwyd fel pop gwerin cartref ganddyn nhw eu hunain, fel band roc pefriol gan rywun arall, fel Talulah Gosh ffilm noir gan Neil 'miwsig' Jones ac fe'u cymharwyd â Laura Veirs a Kimya Dawson gan Peppermint Patti.

Maen nhw wedi chwarae gyda Cate le Bon, Victorian English Gentleman’s Club ac wedi agor Gŵyl Indietracks y llynedd. Rhyngddynt maen nhw wedi gwisgo fel cath ac wedi bwyta gwenynen yn fyw ar y llwyfan.

Mae gyda Silence at Sea hen albwm (the oh-no! telephone), record estynedig newydd (super tachyonic anti-telephone) a chân am isopodau anferth. Mae aelodau Silence at Sea hefyd yn chwarae yn Pagan Wanderer Lu and The Volunteers, Little My, Hornby Pylons a Vaginosaur.

Y trac yn eu geiriau eu hunain:

Syniad y gân yw cymryd safbwynt Van Gogh wrth iddo golli ei bwyll tua diwedd ei fywyd a thorri ei glust i ffwrdd a'i rhoi i'w gariad er mwyn clustfeinio arni (fel pe tai o hyd yn medru clywed drwyddi). Mae'n ei chlywed gyda rhywun arall ac mae hyn yn ei yrru'n genfigennus a mwy gorffwyll.

Dwi wedi gweld lluniau eraill o'i waith lle mae'n paentio pethau - gan gynnwys meysydd a'r awyr - fel tân ac mewn ffordd roedd hyn yn cynrychioli ei orffwylledd. Darllenais mewn sawl man ei fod wedi cymryd ychydig o ddyddiau i farw ar ôl iddo saethu ei hun yn Auvers. Felly mae'n bosibl ei fod wedi bwrw ymlaen a gorffen rhai lluniau heb sylweddoli ei fod wedi'i glwyfo'n angheuol. Mae'n siŵr bod peth dychymyg tu ôl i hyn ond yn fy marn i mae'n chwip o stori.

» Silence at Sea ar MySpace