Mae Edward Goodman yn gwisgo cap sgwâr a mantell sgarlad ag ymyl ffwr, dillad addas i fasnachwr llewyrchus. Mae ei bortread yn llawn symbolau sy’n cyfeirio at gredoau Protestannaidd newydd y cyfnod. Yn ei law mae sgrôl â’r arysgrif Offeren pawb yn i gallon. Mae hyn yn cyfeirio at gred craidd y Protestaniaid y dylai pob Cristion gael addoli Duw yn uniongyrchol, yn hytrach na thrwy offeiriad.  Mae dau arwyddair hefyd yn ymddangos ar yr ochr dde ar y top. 'HEB DDVW DDIM/DVW A DIGON' ('Heb Dduw, heb ddim, mae Duw yn ddigon'). Dilynir hyn gyda 'BE HVMBL AND MEEKE/SOBRE IVSTE PIE' ('Bydd wylaidd a gostyngedig/Yn sobr, teg a duwiol').

Mae'r gwaith hwn yn cael ei arddangos ar hyn o bryd:

Oriel 10

Amgueddfa Genedlaethol Caerdydd, lefel 4

 Grisiau i fyny

 Grisiau i lawr

 Lifft