Casgliadau Celf Arlein

Ar ddechrau ei ail arhosiad yn Napoli, o fis Mai 1780 tan fis Awst 1783, roedd gan Jones lety gyda theras ar y to mewn ty^ ger yr harbwr. O'r fan honno gwnaeth gyfres o astudiaethau olew gorffenedig iawn o adeiladau gerllaw, sy'n eithriadol o ffres ac uniongyrchol. Ymhell o’r palasau crand a’r golygfeydd Eidalaidd poblogaidd, canolbwyntiodd Thomas Jones ar destunau mwy di-nod – hen waliau, leiniau dillad, ffenestri. Nid dyma oedd testunau arferol artist o’r ddeunawfed ganrif. Peintiodd fraslun manwl o do ei dŷ yn Napoli. Mae’n edrych yn fodern iawn gyda’i liw glas llychlyd, tonau llwyd ariannaidd a thechnegau fframio anghyffredin.  

Mae'r gwaith hwn yn cael ei arddangos ar hyn o bryd:

Oriel 8

Amgueddfa Genedlaethol Caerdydd, lefel 4

 Grisiau i fyny

 Grisiau i lawr

 Lifft