Tŷ Gwyrdd
Ebrill 2013
Pasg yn y Tŷ Gwyrdd - Hysbysfyrddau a phlannu tomatos.
Bu pythefnos Pasg, unwaith eto, yn adeg prysur iawn yma yn Sain Ffagan. Daeth dros 4000 o ymwelwyr trwy ddrysau’r Tŷ Gwyrdd. Roedd amryw o weithdai gennym dros y gwyliau, o weithdy uwchgylchu i blannu hadau tomato ag hyd yn oed cwis arbennig Ffŵl Ebrill.
Yn un o’n gweithdai - Plannu, Tyfu, Bwyta – roedd cyfle i deuluoedd meddwl am dyfu bwyd eu hun. Roedd cyfle i blannu hadau tomato a mynd a’r hadau yma gatref. Y gobaith yw, ar ôl misoedd o feithrin yr hadau bydd gan bawb planhigion tomato iach a hyd yn oed tomatos blasus erbyn yr haf. Nai gadael i chi wybod sut mae fy nhomatos yn tyfu dros y misoedd nesa!
Fe ddaeth Wood for the Trees Wales i ymuno a ni am gwpwl o ddyddiau i gynnig un o’i gweithdai uwchgylchu. Yn y gweithdy yma roedd cyfle i droi hen fframiau lluniau a theils corc mewn i fyrddau neges newydd sbon. Roedd hyn yn boblogaidd dros ben, erbyn diwedd y sesiwn roedd pob un hen ffrâm wedi cael ei ddefnyddio! Os oes gennych ddiddordeb mewn gweithdai tebyg, cadwch lygaid ar dudalen Facebook Wood for the Trees!
Eleni, wnaeth Dydd Llun y Pasg digwydd cwympo ar y 1af o Ebrill, sef dydd Ffŵl Ebrill. Roedd hyn yn gyfle gwych i ni gael cwis i ffeindio allan os yw ymwelwyr i’r Tŷ Gwyrdd yn Eco Cŵl neu yn ffyliau Ebrill ffôl. Neis oedd ffeindio mas bod y mwyafrif o’n hymwelwyr yn Eco Cŵl… gyda dim ond cwpwl o eithriadau. Ar ôl cwblhau’r cwis roedd cyfle i wneud bathodyn i dangos i ffrindiau faint more eco cŵl ydych.
Fel rhan o’r prosiect Creu Hanes, mi fydd defnydd y Tŷ Gwyrdd yn newid. Tra bod y brif fynedfa yn cael ei uwchraddio, bydd y Tŷ Gwyrdd yn cael ei ddefnyddio fel rhan o fynedfa dros dro i’r amgueddfa.
Dros y blynyddoedd, da ni di cael llawer o hwyl yn rhedeg gweithdai niferus yn y Tŷ Gwyrdd ac yn cwrdd â miloedd o bobl ddiddorol. Diolch mawr i’r sawl sydd wedi helpu ni i gyflawni hyn. Peidiwch â phoeni, mi fydd dal nifer o weithdai a digwyddiadau natur ac amgylcheddol yn digwydd, ond mewn mannau gwahanol yn yr amgueddfa.
Tachwedd 2012
Her Fecio Caerdydd
Cystadleuaeth yw Her Feicio Caerdydd lle bydd gweithleoedd yn cystadlu yn erbyn ei gilydd i weld pwy sydd â’r nifer fwyaf o feicwyr. Eleni, dyma staff Amgueddfa Genedlaethol Caerdydd yn cymryd rhan ac yn ennill eu categori! Y wobr i bawb oedd teisennau bach blasus.
Ystadegau:
- Cymrodd 16.5% ran (49/297 o staff)
- 598 o deithiau
- 3,793 o filltiroedd
- Llosgwyd 117,597 o galorïau
- Arbedwyd 939kg o CO2
Er bod ni wedi rhoi mewn mymryn bach mwy o ymdrech ar gyfer y gystadleuaeth - rydym yn beicio cylch gydol y flwyddyn. Yn ddiweddar, mae buddsoddiad mewn llochesi feiciau a hyfforddi staff wedi helpu i gael mwy o bobl yn cymryd rhan.
Hydref 2012
Hwyl a sbri hanner tymor yn y Ty Gwyrdd!
Wythnos nesaf yw hanner tymor, felly mi fydd llawer yn mynd ymlaen yn y T? Gwyrdd gan gynnwys gweithgareddau celf a chyfle i flasu bwyd tymhorol!
Ar ddydd Mawrth a Mercher wythnos nesa, Hydref 30ain a 31ain, mi fyddwn yn dathlu Calan Gaeaf trwy dreulio 2 diwrnod llawn gweithgareddau yn dathlu rhai o’n hoff drigolion. Mae gennym nifer o ystlumod gwahanol yn byw yn Amgueddfa Sain Ffagan ac mi fydd cyfle i chi ddysgu mwy amdan y creaduriaid rhyfeddol yma! Pa ffeithiau ystlum ydych chi’n gwybod eisoes? Faint o’r rhain sy’n wir a faint ohonynt sy’n ffuglen??
Gyda help ein tim o wirfoddolwyr, yn enwedig Anne-mie sy'n artist, rydym hefyd yn gobeithio creu gosodiad celf fawr yn y T? Gwyrdd. Rydym yn bwriadu creu ystlum fawr helyg i’w hongian o’r nenfwd wedi ei amgylchynu a nifer fawr o ystlumod bach. Dyma ble da ni angen eich help chi i greu cymaint o ystlumod bach a phosib! Fel gallwch weld o’r llun, bydd yr ystlumod bach wedi ei wneud allan o bapur newydd, bandiau elastig a glanhawyr pibell!
Mae’r Amgueddfa hefyd yn cynnal digwyddiad mawr Nosweithiau Calan Gaeaf wythnos nesaf! Mi fydd yr amgueddfa ar agor gyda’r nos gyda nifer o weithgareddau yn cymryd lle. Eto, mi fyddwn yn hyrwyddo ystlumod gyda gweithgareddau celf bob nos. Mae’r Nosweithiau Calan Gaeaf yn cymryd lle rhwng nos Fawrth y 30ain o Hydref a nos Iau’r 1af o Dachwedd. Mae RHAID prynu tocynnau blaen llaw. Am fwy o wybodaeth cliciwch yma
Tua diwedd yr wythnos byddwn yn symud o Galan Gaeaf i edrych ar rhai o’r bwydydd gwych sydd ar gael adeg hyn o’r flwyddyn! Dewch i’m gweld ar ddydd Gwener a dydd Sadwrn (2ail a 3ydd o Dachwedd) yn coginio yng nghegin y T? Gwyrdd yn defnyddio ryseitiau traddodiadol ac ambell i gynhwysyn o ardd y T?, Dewch i flasu siytni, cawl ac efallai hyd yn oed ambell i gacen! Gallwch gymryd ryseitiau adre er mhoen ei choginio adref hefyd!
Ar y cyfan, mi fydd wythnos nesa yn un prysur dros ben, ond llawer o hwyl gyda digonedd yn mynd ymlaen, felly pam na ddewch chi draw i’n gweld!
Awst 2012
Lluniau Llon! Sesiynau Ffotograffiaeth Bywyd Gwyllt @AGC
Dros y pythefnos diwethaf rydym ni wedi bod yn rhedeg gweithgareddau ar gyfer teuluoedd i'w wneud ag arddangosfa Ffotograffydd Bywyd Gwyllt y Flwyddyn Veolia yma yn Amgueddfa Genedlaethol Caerdydd.
Wnaeth dros 400 ohonoch chi gymryd rhan ac mai hi wedi bod yn bythefnos bendigedig o anturiaethau ffotograffig! Rydw i wedi bod yn brysur yn llwytho siwd gymaint o'r lluniau ag sy'n bosib i dudalen Flickr Clwb Ffoto AGC ac mae rhaid i mi ddweud eu bod nhw'n edrych yn wych! Mae'r lluniau ar y dudalen Flickr wedi eu trefnu i mewn i setiau ar ochr dde'r dudalen felly os wnaethoch chi gymryd rhan y cwbl sydd angen i chi wneud yw clicio ar ddyddiad eich ymweliad i'r Amgueddfa a chwilio am eich enw!
Mi fydd y lluniau yn cael eu harddangos ar y sgrin yng Nghanolfan Ddarganfod Clore yn yr Amgueddfa ar ddydd Sadwrn Medi'r 8fed felly os wnaethoch chi gymryd rhan yn y gweithdai dewch i weld eich lluniau yn cael eu harddangos yn yr Amgueddfa Genedlaethol!
Hoffwn ddiolch i Cat, Lauren a Catherine am wneud job mor dda o redeg y gweithgareddau a hoffwn ddiolch hefyd i bawb wnaeth cymryd rhan. Diolch!
Gorffenaf 2012
Gwella rhifedd a chael bylbiau am ddim ar gyfer eich ysgol!
Mae Amgueddfa Cymru yn chwilio am ysgolion i gymryd rhan mewn prosiect a derbyn fylbiau'r gwanwyn rhad ac am ddim.
Bylbiau'r Gwanwyn i Ysgolion (CA2)
Plannu bylbiau ar dir eich ysgol i astudio newid yn yr hinsawdd. Ymunwch ymchwiliad DU i gwella gwyddoniaeth a rhifedd. Am fwy o fanylion ewch i www.museumwales.ac.uk/cy/scan/bylbiau
Mae'r cais yn cymryd mwy na munud i'w gwblhau ac mae'r prosiect yn RHAD AC AM DDIM i bob ysgol sy'n gwneud cais erbyn mis Gorffennaf y 30ain.
Mai 2012
New bus & improved cycle track for St Fagans
A new bus service will be running between National Museum Cardiff and St Fagans: National History Museum from 5 April until 30 September.
Departure times from National Museum Cardiff:
10.15 / 11.15 / 12.15 / 1.15 / 14.45 / 15.45 / 16.45
Departure times from St Fagans: National History Museum:
10.45 / 11.45 / 12.45 / 14.15 / 15.15 / 16.15 / 17.15
Route from National Museum Cardiff via Cardiff Castle, Penhill Road (Halfway Pub) Llandaff Cathedral, Fairwater Green, St Fagans: National History Museum.
£1.50 single, £3.00 return starting from 5th April to 30th September 2012.
Details of bus services can be found on the Traveline Cymru website.
Improvements to the Ely Cycle Trail
The Ely cycle track that leads to St Fagans has been re - surfaced. This makes the route much more enjoyable. For more details on cycling in Cardiff visit: www.cardiff.gov.uk/cycling
Ebrill 2012
Babis Gwyrdd yn Sain Ffagan!
Dros y misoedd diwethaf rydym wedi cynnal cyfanswm o 5 diwrnod Babis Gwyrdd yn y T? Gwyrdd yma yn Sain Ffagan. Y syniad tu ôl i'r dyddiau Babis Gwyrdd oedd hybu ymarferion gwyrdd ac i leihau'r effaith amgylcheddol y gall godi babi gael.
Er mwyn gyflawni hyn gwahoddwyd nifer o arbenigwyr mewn i'n helpu, fe hoffwn i ddiolch pob un ohonynt!
Yn amlwg un o'r prif ffyrdd o leihau effaith amgylcheddol wrth fagu plentyn yw drwy ddefnyddio cewynnau y gellir eu hailddefnyddio. Mae hyn hefyd yn ffordd wych o arbed arian, tua £ 700! Mae'r cewynnau y gellir eu hailddefnyddio wedi symud ymlaen cryn dipyn ers dyddiau terry towelling a phinnau enfawr! Roedd yn wych gweld ymateb pobl pan ddangosir enghreifftiau o'r gewynnau ffansi newydd ac i glywed eu straeon!
Felly, rhaid i mi roi diolch enfawr i'r 3 darparwyr cewynnau y gellir eu hailddefnyddio a helpasom ni dros y 5 diwrnod. Yn gyntaf oll i mamigreen sydd wedi eu lleoli yng Nghaerdydd a ddaeth i helpu i ni ar y 2 ddiwrnod cyntaf Babis Gwyrdd. Yn ail diolch yn fawr iawn i Gemma o Little Gems Nappies (Pontypridd) a ddaeth i'n helpu dros 3 diwrnod yr wythnos diwethaf yn ystod gwyliau'r Pasg. A hefyd diolch yn fawr iawn i Melanie o Little Lion (ger Pen-y-bont ar Ogwr) am fenthyg i ni amrywiaeth o gewynnau a gellir eu hailddefnyddio er mwyn i ni ei harddangos!
Os oes gennych ddiddordeb mewn dysgu mwy am gewynnau y gellir eu hailddefnyddio neu yn ystyried defnyddio nhw, yna edrychwch ar eu gwefannau. Maent i gyd yn ymdrin â'r rhan fwyaf o de Cymru ac yn ymgynghori dros y ffôn yn ogystal ag ymweliadau cartref!
Roedd hefyd stondin gan Fairdos sef siop Masnach Deg yn seiliedig yn Nhreganna yng Nghaerdydd. Fel cyflenwr o bob math o nwyddau Masnach Deg roedd hwn yn gyfle gwych i arddangos eu dillad baban, teganau a bibiau o gotwm Masnach Deg. Diolch yn fawr iawn i'r gwirfoddolwyr Fairdos a roddodd eu hamser i staffio'r stondin!
Y maes olaf buom yn eu trafod oedd bwyd babanod. Mae gwneud bwyd baban eich hun yn iach, yn rhad, ecogyfeillgar, ac rydych yn gwybod yn union beth sydd ynddo! Roedd gennym ddogfennau cyngor Llywodraeth Cymru a ryseitiau ar gael i'w darllen. Fe wnaeth llawer o ymwelwyr gofyn i ni lle gallent ddod o hyd i'r dogfennau eu hunain. Felly dyma ni ...
Yn olaf, diolch enfawr i bawb a ddaeth i'n gweld yn ystod y digwyddiad ac am rannu eich gwybodaeth, yn enwedig y rhai a gymerodd ran yn ein cystadleuaeth drwy roi cyngor ar ein coeden syniadau Babis Gwyrdd! Cyn bo hir byddwn yn dewis enillydd a chysylltu â nhw er mwyn anfon gwobr iddynt
Gwneud Tro a Thrwsio
Mae Wood for the Trees yn dychwelyd i'r T? Gwyrdd ar Ddydd Sadwrn, 7 Ebrill. Yn gynharach eleni, cynhaliwyd gweithdy gwneud stôl droed, a oedd yn llwyddiant mawr fel y gwelir o'r llun. Gwnaeth ymwelwyr gwneud stôl droed eu hunain o'r dechrau i'r diwedd, o’r gwaith saer i'r gwaith clustogwaith ar y diwedd.
Roedd y gweithdy stôl draed ar gyfer pobl oedd wedi archebu ymlaen llaw, ond y tro yma, bydd drysau’r T? Gwyrdd yn agored i bawb am Upcycling Chalky Workshop! Bydd cyfle i wneud bwrdd du eich hun i fynd adref gyda chi a hefyd cyfle i addurno rhai dodrefn!
Bydd y T? Gwyrdd ar agor rhwng 11 ac 1 yn y bore ac eto o 2 tan 4 ar ôl cinio, felly beth am alw draw i weld beth sydd ar gael!
Cliciwch yma am fwy o wybodaeth.
Ionawr 2012
Babis Gwyrdd yn Sain Fagan
Sul 4 Mawrth, Sul 1 Ebrill & 17-19 Ebrill
Er eu bod yn fach, mae babis yn gallu defnyddio llawer o adnoddau.Dewch draw i’r T? Gwyrdd i rannu syniadau dros baned neu dysgu sut i roi dechreuad da a gwyrdd i’ch babi.
Baned am ddim am 11 o gloch neu galwch mewn unrhyw adeg rhwng 11-1 a 2-4 yn y Ty Gwyrdd yn sain Ffagan: Amgueddfa Werin Cymru.
http://www.amgueddfacymru.ac.uk/cy/digwyddiadau/?site=stfagans
Twitter.com/TyGwyrdd
Tachwedd 2011
Gweithdy Crefftau Helyg yn y Ty Gwyrdd
Heddiw mae Ty Gwyrdd wedi bod yn gartref i weithdy creadigol iawn!
Gweithdy yn benodol i athrawon oedd hon, yn cynnig y cyfle iddynt i ddysgu sut i fynd ati i greu crefftau Nadolig o helyg.
Heddiw mae'r grwp wedi bod yn brysur iawn yn creu! Yn amlwg , roedd pawb yn falch iawn yn gadael gyda'u torchau, ser, coed bach i gyd wedi'u gwneud o helyg! Dwi'n siwr bydd sawl ysgol yn mynd ati i ail-greu y crefftau hyn dros cyfnod yn arwain at y Nadolig.
Trefnwyd y gweithdy gan Out to Learn Willow.
O bryd i'w gilydd, mae modd llogi Ty Gwyrdd fel gofod i gynnal gweithdai tebyg i hyn. Mae gofyn profi bod eich gweithdy yn hyrwyddo cynaliadwyedd ac yn un di-elw.
Os am rhagor o fanylion cysylltwch drwy Adran Addysg yma yn Sain Ffagan.
Diolch.
