Addysg yn Amgueddfa Lechi Cymru - Addysg: Amgueddfa Lechi Cymru
Dod â dysgu'n fyw!
Diwydiant llechi Cymru oedd yn 'rhoi to ar y byd' ar un adeg. Heddiw daw Amgueddfa Lechi Cymru yn Llanberis â'r hanes yn fyw o flaen ein llygaid. Dyma stori am gymuned a chrefft, streiciau a dioddefaint: hynt a helynt y bobl ynghanol bywyd o galedi.
Mae'r Amgueddfa'n sefyll yng ngweithdai gwreiddiol y chwarel o Oes Fictoria, yng nghysgod mynydd Elidir. Yn y lle hwn bu Chwarel Dinorwig yn cyflogi dros 3,000 o ddynion i dyllu a ffrwydro'r llechfaen.
...mae hi fel petai'r chwarelwyr a'r peirianwyr ond newydd adael eu hoffer a throi am adref...
Ymweliadau Cyffredinol: Ar Gael Drwy'r Flwyddyn
- Crwydrwch trwy ein rhes o dai chwarelwyr, a ailgodwyd yn yr Amgueddfa, ac a addurnwyd i ddangos y prif gyfnodau hanesyddol.
- Dewch i gwrdd â'r chwarelwyr wrth eu gwaith yn naddu a hollti'r llechi, a chael cyfle i'w holi.
- Profwch arogleuon a synau'r ffowndri, yr efail, y gweithdai a'r peiriannau - sy'n dal i redeg ar yr olwyn ddwr fwyaf sy'n dal i weithio ym Mhrydain.
- Gwyliwch ein ffilm Dwyn y Mynydd sy'n adrodd stori datblygiad y chwarel.
Bwcio
Gofynnir bod pob ysgol yn bwcio'u hymweliad ymlaen llaw drwy ffonio 029 2057 3717. Amser agor 10.00 am.
Am ragor o wybodaeth neu i drafod eich ymweliad cysylltwch â'r Swyddog Addysg ar 029 2057 3706.
Byddwn ni'n anfon ffurflen gadarnhau a gwybodaeth ynglyn â sut i gynllunio'ch ymweliad.
Cynigir mynediad AM DDIM diolch i gefnogaeth Llywodraeth Cynulliad Cymru.
