Peiriannau a Dyfeisiadau - Addysg: Amgueddfa Genedlaethol y Glannau

Nifer: 2 grŵp o hyd at 30 disgybl.

Addas ar gyfer: Cyfnod Allweddol 2.

Pwrpas: Dysgu am ddyfeisio ac arloesi a ddigwyddodd yng Nghymru.

Sesiwn Actor Cymeriad: Sesiwn fore dan arweiniad lle caiff y plant gyfle i gyfarfod Mr Trevithick, actor cymeriad fydd yn sôn wrthyn nhw am ei ddyfais enwog – locomotif stêm gyntaf y byd. Bydd y plant yn dysgu am yr hanes cyffrous ym Merthyr Tudful ac am y problemau fu'n rhaid i Mr Trevithick eu goresgyn cyn i'r peiriant symud.

Sesiwn Oriel Robin Goch: Sesiwn fore dan arweiniad lle caiff y plant ddysgu sut y dyluniwyd ac adeiladwyd y Robin Goch, un o'r awyrennau cynharaf yn y Deyrnas Unedig. Dyma'r unig awyren maes o'i bath yng Nghymru hefyd. Bydd y plant yn dysgu am beirianneg arloesol yr adeiladwr, Charles Horace Watkins.

Gweithlyfr Peiriannau a Dyfeisiadau: Sesiynau dan arweiniad athro lle bydd y dosbarth yn rhannu'n ddau grŵp (y ddau yng ngofal oedolyn) er mwyn cwblhau dau weithlyfr am y peiriannau a'r datblygiadau pwysig a welwyd yn niwydiant Cymru, ddoe a heddiw.

Perthnasol i: hanes, gwyddoniaeth a Fframwaith Sgiliau.