Ymchwiliad Fictoraidd (Tymor y Gwanwyn 2013) - Addysg: Amgueddfa Genedlaethol y Glannau
Hyd: 3 sesiwn 50 munud yr un yn ystod y diwrnod.
Nifer: 2 grŵp o 30 disgybl.
Addas ar gyfer: Cyfnod Allweddol 2.
Pwrpas: Bydd y sesiynau yn helpu disgyblion i adnabod newidiadau i fywydau bob dydd pobl leol yn y bedwaredd ganrif ar bymtheg; gofyn ac ateb cwestiynau perthnasol am y gorffennol; defnyddio amrywiaeth o ffynonellau.
Bydd y disgyblion yn cael cyfle i ddewis, cofnodi, a threfnu gwybodaeth hanesyddol a chyfathrebu syniadau, barn a chasgliadau.
Bydd y sesiwn yn helpu disgyblion i ofyn a oedd newidiadau pwysig ym mywydau pobl ar y pryd, ac os oedd, pam? Byddan nhw hefyd yn ystyried sut oedd bywyd i bobl gyfoethog a thlawd, i ddynion, menywod a phlant.
Sesiwn actor cymeriad: Sesiwn wedi'i hwyluso lle caiff y plant gyfle i gyfarfod 'Mr Rosser', actor cymeriad fydd yn siarad am rai o'r gwahanol bobl y cyfarfu â hwy yn ystod ei rôl fel cyfrifwr. Bydd y plant yn dysgu am y gwahanol gefndiroedd a dosbarthiadau cymdeithasol a welodd yn ardal Abertawe ar ddiwrnod Cyfrifiad 1851. Bydd y plant yn dysgu am y gwaith fyddai pobl gyfoethog a thlawd yn ei gyflawni, yn ddynion menywod a phlant, yng Nghymru ddiwydiannol oes Fictoria. Byddan nhw'n dysgu am y newidiadau a ddigwyddodd yn ystod y bedwaredd ganrif ar bymtheg a sut y gellir gweld y newidiadau yma mewn un rhan o dref ddiwydiannol fel Abertawe.
Sesiwn trin gwrthrychau: Sesiwn wedi'i hwyluso lle bydd y plant yn rhannu'n chwe grŵp i ymchwilio i dystiolaeth gynradd ac eilaidd. Cyflwynir amlinelliad o un o'r bobl a restrir yng Nghyfrifiad 1851 i bob grŵp. O'r dystiolaeth, bydd yn rhaid iddynt ddewis arteffactau fyddai i'w gweld o bosibl yn nhŷ y person hwnnw, a chyfiawnhau eu dewis. Bydd yn rhaid iddyn nhw ystyried sut a pham mae gwrthrychau yn brawf o fywyd person gan gynnwys dosbarth cymdeithasol, swydd a diddordebau. Byddan nhw'n edrych ar amrywiaeth eang o wrthrychau yn ymwneud â'r gwahanol gymeriadau ac yn adeiladu llun o fywyd yn y bedwaredd ganrif ar bymtheg.
Taith dan arweiniad athro: Cyfle i�r plant archwilio�r orielau er mwyn dysgu mwy am fywyd yn Oes Fictoria.
Crynodeb bag papur: Sesiwn wedi�i hwyluso lle caiff y plant gyfle i fyfyrio ar eu hymweliad. Cant eu hannog i ddewis pum atgof gan ddefnyddio ffotograffau, geiriau a deunyddiau i gofnodi yr hyn maen nhw wedi�i ddysgu am y Fictoriaid i�w defnyddio yn yr ystafell ddosbarth.
Perthnasol i: hanes a Fframwaith Sgiliau.
