Amgueddfa Cymru yng Ngŵyl y Gelli

Ymunwch â ni yng Ngŵyl Lenyddol y Gelli Gandryll o 31 Mai i 10 Mehefin.

Bydd Amgueddfa Cymru yn rhan o stondin Hanes Cymru — History Wales ynghyd â Cadw, CBHC, Cymdeithas y Tai Hanesyddol ac Ymddiriedolaeth Gerddi Hanesyddol Cymru..

Bydd ein Cyfarwyddwr Cyffredinol David Anderson yn cymryd rhan yn sgwrs The Story of Wales ar ddydd Llun 4 Mehefin am 10am yn y Sky Art Studio.

Jon Gower yn siarad â Mary-Anne Constantine, Phil George a David Anderson

Digwyddiad 148 • dydd Llun 4 Mehefin 2012 10am • Lleoliad: Sky Arts Studio

Sut ffurfiodd y tir y genedl a sut y cysylltodd y wlad â’r byd.

Bydd Jon Gower yn cadeirio trafodaeth yn cwmpasu 30,000 o flynyddoedd gyda hanesydd, cynhyrchydd rhaglenni teledi a Chyfarwyddwr Amgueddfa Cymru.

Jon Gower chairs a discussion spanning 30,000 years with an historian, a TV programme maker and the Director of The National Museum of Wales.

I brynu tocynnau, ewch i www.hayfestival.com.

Yn ogystal â dysgu rhagor am saith amgueddfa genedlaethol Cymru a phori drwy’n detholiad o lyfrau ar werth ar stondin Hanes Cymru – History Wales, bydd amrywiaeth o weithgareddau i blant, o rwymo llyfrau a gwneud bathodynnau i greu graffiti ar ddarnau llechen i ddathlu pen-blwydd Amgueddfa Lechi Cymru yn 40 oed eleni.

Edrychwn ymlaen i’ch gweld chi yng Ngŵyl y Gelli!!