IGCP
International Geological Correlation Programme
Mae'r project pum mlynedd o hyd yma, a ddechreuodd tua canol 2003, yn edrych ar y newidiadau a welwyd mewn cynefinoedd paleotrofannol ar y tir tua diwedd yr Oes Mosgofaidd (Cyfnod Carbonifferaidd Hwyr tua 300 milion o flynyddoedd yn ôl. Yn ystod y cyfnod Mosgofaidd, roedd fforestydd tir gwlyb llawn cnwpfwsoglau anferth wedi lledi ar draws rhan helaeth o Ogledd America, Ewrop, Canolbarth Asia a Tsieina paleotrofannol. Tua diwedd y cyfnod Mosgofaidd, dirywiodd y cynefinoedd tir gwlyb hyn a diflannodd ardaloedd helaeth o'r fforest. Yr un pryd, gwelwyd nifer o newidiadau yn yr amgylchedd. Mewn rhannau o'r paleptrofannau, gwelwyd newydiadau mawr yn y tirwedd yn sgil y gwrthdaro rhwng platiau cyfandirol Gondwana ac Euramerica. Tua'r un cyfnod hefyd, cynhesodd yr hinsawdd ledled y byd, a doddodd lawer o'r capanau iâ.
Dyma rhai o'r newidiadau mwyaf i effeithio ar fywyd ar y ddaear erioed, ond ychydig iawn a wyddom ni am batrwm ac amseriad y newidiadau o hyd, nac am beth achosodd nhw. Nod y project yw tynnu data o bob math o ddisgyblaethau at ei gilydd. Bydd hyn yn cynnwys meysydd palaeobotaneg, palynoleg, palaeoswoleg a sedimentoleg, er mwyn ceisio gwella ein dealltwriaeth o batrwm a chyflymdra'r newidiadau amgylcheddol hyn ar draws y paleotrofannau.
Cyfarfodydd
Mae'r project yn troi o gylch cyfres o gyfarfodydd mewn gwahanol leoliadau ar draws ardal yr astudiaeth.
- Utrecht (Awst 2003)
- Sofia (Ebrill 2004)
- Freiberg, Saxony (Hydref 2004)
- Caerdydd (Ebrill 2005)
- Halifax, Nova Scotia (Mehefin 2005)
- Bucharest (Medi 2005)
- Prague (Medi 2006)
Ysgrifenyddiaeth
Uwch Gydlynydd y Project: Dr C. J. Cleal, Amgueddfeydd ac Orielau Cenedlaethol Cymru, Caerdydd (E-mail form)
Cydlynydd y Project (Dwyrain Ewrop): Yr Athro Y. G. Tenchov, Sefydliad Daearegol Sofia (ytenchov@abv.bg)
Cydlynydd y Project (Canolbarth Ewrop): Dr S. Oplustil, Prifysgol Charles, Prague (oplustil@mail.natur.cuni.cz)
Cydlynydd y Project (Gorllewin Ewrop): Yr Athro B. A. Thomas, Prifysgol Cymru, Aberystwyth (bat@aber.ac.uk)
Cydlynydd y Project (G. America): Yr Athro E. L. Zodrow, Coleg Prifysgol Cape Breton, Sydney NS (erwin_zodrow@uccb.ca)
Gweinyddwraig y Project: Miss H. Fraser, Amgueddfeydd ac Orielau Cenedlaethol Cymru, Caerdydd (Ffurflen e-bost)
Cylchlythyrau
Gellir lawrlwytho copïau o gylchlythyrau'r project fel ffeiliau pdf.
Cysylltiadau eraill
Hafan IGCP http://www.unesco.org/science/earthsciences/igcp/
