Datganiadau i'r Wasg

Mae dwy o amgueddfeydd cenedlaethol y brifddinas – Sain Ffagan: Amgueddfa Werin Cymru ac Amgueddfa Genedlaethol Caerdydd – wedi derbyn y statws ‘Recommended Provider’ yn rhifyn Tachwedd o’r cylchgrawn defnyddwyr Which?.

Yn dilyn y gyfres boblogaidd a gyflwynwyd gan yr Athro Alice Roberts a Dr George McGavin ar y BBC, Prehistoric Autopsy, bydd Amgueddfa Genedlaethol Caerdydd yn llwyfannu arddangosfa ryngweithiol addysgol y BBC. Cynhelir yr arddangosfa, sy’n ategu’r gyfres, ar 8-11 Tachwedd ym Mhrif Neuadd yr Amgueddfa.

Mae gwaith cloddio diweddar gan archaeolegwyr Amgueddfa Cymru mewn anheddiad o oes y Llychlynwyr yn Llanbedrgoch ar ochr ddwyreiniol Ynys Môn, wedi taflu goleuni pwysig newydd ar effaith diwylliannau Eingl-Sacsonaidd a Llychlynnaidd yn ardal Môr Iwerddon.

Dim cynlluniau dros Hanner Tymor a Chalan Gaeaf eleni? Mae digon i’w wneud yn Amgueddfa Lleng Rufeinig Cymru yng Nghaerllion gyda gweithgareddau di-ri i ddiddori’r plant dros y gwyliau.

Mae’n wyliau ysgol am wythnos ond bydd digon o ddigwyddiadau, gweithgareddau ac arddangosfeydd yn Amgueddfa Genedlaethol Caerdydd i ddiddori’r plant dros hanner tymor 27 Hydref – 2 Tachwedd. Mae rhywbeth yma at ddant pawb, celf, archaeoleg, hanes natur a daeareg – a mynediad am ddim!

Heddiw (17 Hydref 2012), mae Amgueddfa Cymru yn dathlu dau ychwanegiad newydd i’r casgliad celf – Plasty Margam, Morgannwg, tua’r De a Plasty Margam, Morgannwg, tua’r Gogledd – gafodd eu caffael diolch i grantiau hael gan Gronfa Dreftadaeth y Loteri a’r Gronfa Gelf.