Teithio
Sut rydych chi'n mynd i'r ysgol?
Ystyriwch sut y mae plant eich dosbarth chi yn dod i'r ysgol. Holwch eich ffrindiau sut y maen nhw'n dod i'r ysgol. Defnyddiwch arolwg ar-lein SCAN Cerdded a Beicio i'ch helpu ac yna e-bostiwch eich canlyniadau i wefan SCAN. Gwnewch graffiau o rai o gwestiynau'r arolwg.
[delwedd: Bws]
Cerddwch i'r ysgol neu fynd ar gefn beic os gallwch — os na allwch wneud hynny, ewch ar y bws — Ac os na allwch wneud hynny chwaith, rhannwch gar gyda'ch cymdogion.
Pam? Mae'n arbed arian, byddwch yn iachach, fyddwch chi ddim yn gwastraffu amser mewn tagfeydd traffig. Bydd llai o lygredd yn y ddinas — bydd llai o blant yn cael anawsterau anadlu fel asthma.
Prosiect Gweithredu
Trafodwch y cartŵn byr hwn.
Gweithiwch fel dosbarth i greu holiadur sy'n cofnodi:
- Sut y mae'r holl ddisgyblion yn dod i'r ysgol.
- A ydynt yn credu y gallent ddod i'r ysgol mewn ffordd sy'n creu llai o lygredd e.e., rhannu car, ar y bws, ar gefn beic neu gymryd rhan mewn cynllun "bws sy'n cerdded".
- Unrhyw ffactorau sy'n eu hatal rhag teithio i'r ysgol mewn ffordd sy'n fwy caredig i'r amgylchedd. Er enghraifft, efallai nad yw plentyn yn gallu dod i'r ysgol ar gefn beic am nad oes ffyrdd diogel i feicio arnynt.
- Defnyddiwch lungopïau o fap o'ch ardal i ddangos lle mae'r disgyblion yn byw - defnyddiwch symbolau neu ddotiau lliw i ddangos sut y maent yn dod i'r ysgol.
- Gofynnwch i'r disgyblion ysgrifennu llythyr at eu rhieni yn gofyn a wnân nhw helpu gyda'ch prosiect gan nodi'r holl fanteision. Ar ôl gwneud y map, gallwch awgrymu ffyrdd eraill o deithio i rai o'r plant.
- Os gwelwch fod problem, fel prinder ffyrdd diogel i feicio neu gerdded arnynt i'r ysgol, anfonwch neges e-bost at y Swyddog. SCAN a fydd yn barod iawn i drafod ffyrdd o ddod dros y broblem gyda chi a'ch dosbarth. Gofynnwch i'r Swyddog Agenda 21 lleol eich helpu i gynllunio "Llwybrau Beicio Diogel" i'ch ysgol.