Cyfleusterau - Amgueddfa Genedlaethol y Glannau

Cynllunio eich ymweliad

Bwyd a Diod - Crêperie y Glannau

Ers agor ym Mawrth 2011 Mae Crêperie y glannau wedi bod yn boblogaidd iawn gydag ymwelwyr ac yn cynnig amrywiaeth o galettes blasus a crêpes melys.

Mae’r dewis melys yn cynnwys sinamon a chyrens, Nutella a banana, Grand Marnier ac oren yn ogystal â’r clasur, lemwn a siwgr. Os taw blasusfwyd sy’n mynd â’ch bryd, mae dewis o gaws Black Bomber a ham, madarch garlleg, sbigoglys, tiwna ac yd melys, a Galette y Glannau – cyfuniad o eog wedi’i fygu, shibwns, salad roced, crème fraîche a darn o lemwn ffres.

Caiff y crêpes a’r galettes eu gwneud â chytew Llydaw traddodiadol gyda detholiad o gynhwysion Cymreig – a’r cyfan yn cael ei goginio’n ffres o’ch blaen. Mae prisiau’n dechrau ar £2.50 a gellir archebu meintiau plant hefyd.

Mae Crêperie y Glannau ar agor bob dydd o 10am i 4.30pm ac yn ogystal â crêpes, mae dewis helaeth o goffi arbennig, byrbrydau poeth ac oer, pasteiod cartref a bocsys bwyd i’r plant. Ceir ardal chwarae i blant yno hefyd ac mae’n lle gwych i eistedd ac ymlacio wedi crwydro’r orielau.

Cadwch lygad am gynigion arbennig Crêperie y Glannau. Tan fis Hydref, gall plentyn fwyta am ddim pan fydd oedolyn yn prynu galette blasus. Gellir dewis crêpe maint plentyn, gallete neu focs bwyd.

Bwydlen Crêperie y Glannau

WiFi

Mwynhewch gwpaned o goffi a crêpe tra’n syrffio’r we!

Ewch i’r brif dderbynfa a chwblhau Ffurflen Cyfrif Ymwelydd (bydd angen dogfennau adnabod dilys arnoch chi)
Byddwch chi’n derbyn enw defnyddiwr a chyfrinair
Bydd pob cyfri’n ddilys am 30 diwrnod
Yn unol â’r amodau a’r telerau

Siop

Ewch ag atgof o hanes Cymru adref gyda chi wrth adael drwy ymweld â siop yr Amgueddfa. Mae rhywbeth at ddant pawb yno, o gardiau cyfarch a llyfrau i emwaith Aur Clogau a chatwadau Cymreig, a’r cyfan am brisiau rhesymol. Link to online shop.

Hefyd gwelwch Siop ar-lein Amgueddfa Cymru.

Partïon Plant

Nawr gallwch chi ddathlu pen-blwydd eich plentyn yn yr Amgueddfa. Pecynnau parti yn cynnwys:

Defnydd o ystafell barti breifat
Teithiau amgueddfa llawn hwyl
Taflenni gweithgaredd
Dewis o weithdai ymarferol

Dewisiadau ychwanegol yn cynnwys bwyd parti blasus a bagiau anrheg gyda phrisiau o £5-10pp. Mae’r partïon yn berffaith ar gyfer oedrannau 5+, mae pob cyfnod yn 2.5 awr o hyd ac mae digon o le i 30 gwestai. Ar gael yn ystod y penwythnos heblaw am wyliau ysgol.