Dysgu am ddatblygu cynaliadwy - Addysg yn Sain Ffagan: Amgueddfa Werin Cymru

Cyflwyniad i'r Tŷ Gwyrdd

Cymharwch eich ty chi a’r Tŷ Gwyrdd, ein hadeilad ecogyfeillgar. Dysgwch am y nodweddion arbed ynni a’r deunyddiau lleol sy’n helpu i gadw ol troed carbon y ty’n isel.

Cyflwyniad cyffredinol i'r Ty Gwyrdd. Gallwn deilwra'r sesiwn at eich anghenion chi, felly rhowch wybod i ni beth rydych chi'n ei astudio wrth drefnu eich ymweliad.

30 munud, dan arweiniad staff yr Amgueddfa

Byw’n Wyrdd yn y Tŷ Gwyrdd – CA2

Dewch i ddysgu sut mae arbed ynni a lleihau’r llygredd yn eich bywyd bob dydd. Archwiliwch y ty a chwblhau cwis i weld sut mae’r ty’n defnyddio dwr, gwres, golau a thrydan.

1 awr, dan arweiniad staff yr Amgueddfa

Byw’n Gynaliadwy – cwis lluniau – CA2

Archwiliwch y tai traddodiadol yn Sain Ffagan i weld sut oedd pobl yn defnyddio dwr, gwres, golau a thrydan yn y gorffennol.

1 awr, dan arweiniad athro

Byw’n Gynaliadwy – Ddoe, Heddiw ac Yfory (Bagloriaeth Cymru)

Addas i fyfyrwyr sy’n astudio agwedd Datblygu Cynaliadwy a Dinasyddiaeth y Byd ar Fagloriaeth Cymru. Casglwch dystiolaeth a thynnwch ffotograffau i gymharu bywydau pobl yn y gorffennol a’ch bywydau chi heddiw. Ystyriwch yr effaith ar y byd o’n cwmpas a thrafodwch syniadau i greu dyfodol mwy cynaliadwy.

Taith dan arweiniad athro (1 awr) a thaith wedi’i hwyluso yn y Tŷ Gwyrdd (1/2awr)