Sesiynau a Gweithdai - Addysg: Amgueddfa Genedlaethol Cymru
Mae pob un o’n Horielau Hanes Natur ar agor erbyn hyn, gan gynnwys orielau newydd sy’n edrych ar waith tu ôl lenni’r Amgueddfa, a bywyd y môr.
Rydym yn cynnig rhaglen o weithgareddau gwyddoniaeth amrywiol a chyfoethog sy’n berthnasol i sawl agwedd o’r cwricwlwm. Mae’r sesiynau canlynol ar gael ar hyn o bryd:
Gweithdai Cynradd
Ditectifs y Deinosoriaid (CA2)
Gall disgyblion droi’n dditectifs wrth iddyn nhw gasglu tystiolaeth am fywyd fel deinosor. Dewch wyneb yn wyneb a deinosoriaid go iawn, adeiladu rhai eich hun, dysgu beth fydden nhw’n ei fwyta a dal esgyrn deinosoriaid go iawn.
1 awr
Hyd at 30 o ddisgyblion
Bywyd yn y Môr (Y Cyfnod Sylfaen a CA2)
Ewch ar daith danddwr i ganfod anifeiliaid anhygoel; o’r Morfil Cefngrwm a’r Môr-Grwban Lledrgefn i’r mwydod rhyfedd sy’n byw ar wely’r môr, ac archwiliwch sut maen nhw wedi addasu i’w cynefin.
1 awr
Hyd at 30 o ddisgyblion
Hwtiwr y Dylluan (Y Cyfnod Sylfaen)
Dewch i gyfarfod Hwtiwr y Dylluan yn y coetir a dysgu mwy am fywyd tylluan.
1 awr
Hyd at 30 o ddisgyblion
Penglogau, Dannedd ac Esgyrn (CA2)
Dysgwch sut i fod yn dditectif natur; gallwch chi ganfod cliwiau am fywyd anifail o’i sgerbwd hyd yn oed.
1 awr
Hyd at 30 o ddisgyblion
Materion Bioamrywiaeth (CA2 a CA3)
Dysgwch beth yw bioamrywiaeth a pam mae’n bwysig i ni.
1 awr
Hyd at 30 o ddisgyblion
Gweithdai Uwchradd
Teithiau Tywysiedig tu ôl i’r Llenni (CA3&4 Gwyddoniaeth)
Cymrwch gip ar waith gwyddonwyr yr Amgueddfa gyda thaith arbennig tu ôl i lenni’r adran Hanes Natur.
1 awr
Hyd at 30 o ddisgyblion oherwydd gofynion iechyd a diogelwch
Gallwn ni gynllunio’ch amserlen ar gyfer y dydd. Gellir cynnwys y pynciau canlynol:
- Esblygiad
- Addasu
- Amrywiaeth a Dosbarthu
- Bioamrywiaeth
- Effaith pobl ar yr amgylchfyd
Am fwy o wybodaeth, ffoniwch ein Swyddog Addysg Hanes Natur ar (029) 2057 3123
I archebu sesiwn, ffoniwch yr Adran Addysg ar (029) 2057 3240
