Rydych chi yn:  >   >   > 

Casgliadau Celf Ar-lein

Yr Actor [The Actor]

HOCKNEY, David (1937 - )

Yr Actor

Dyddiad: 1964

Cyfrwng: acrylig ar gynfas

Maint: 166.5 x 167.3 cm

Derbyniwyd: 1999; Prynwyd; gyda chefnogaeth Cronfa Genedlaethol y Casgliadau Celfyddyd ac Ymddiriedolaeth Derek Williams

Rhif Derbynoli: NMW A 13523

Mae Yr Actor yn un o bum paentiad a wnaeth Hockney yn ystod cyfnod o chwe wythnos yn dysgu ym Mhrifysgol Iowa yn fuan wedi iddo symud i UDA. Mae'n cynnwys amrywiaeth o fotifau sydd wedi bod yn ganolog i'w oeuvre, gan gynnwys gosodiad golygfa tebyg i lwyfan, y soffa batrymog a'r siapiau fel caligraffi yn yr awyr. Seiliwyd y ffigwr, a welwyd yn ystod taith yr artist i'r Aifft ym mis Medi 1963, ar gerflun o'r pharo hereticaidd Akhenaton (1370-52 CC). Mae pennau tebyg yn ymddangos yn Pedwar Pen (Eifftaidd) (1963) Hockney a Casglwr Celf o Galiffornia (1964). Yn ystod teyrnasiad y pharo llwyddodd arlunwyr i ymgyrraedd at ryddid mynegiant na wnaethpwyd o'r blaen, ac ers hynny, mae wedi dod i gael ei weld fel ffigwr cyfoes, a anwyd ymhell cyn ei amser; cyfansoddwyd yr opera Akhnaten gan Philip Glass ym 1984. Mae'r rhychwant o gyfeiriadau llenyddol a hanesyddol Eifftaidd sy'n ymddangos yng ngwaith Hockney yn ystod 1961-63 yn awgrymu fod ei ddewis o bwnc yn hollol fwriadol. Yn Yr Actor, mae'r cyfuniad o 'haniaethau lliwgar, byrfodau graffeg ac amrywiaethau chwaraeus ar faint' yn nodweddiadol o'r dyfeisgarwch a'r greadigaeth sy'n bywiocau cynyrchiadau cyfnod hynod greadigol Hockney oddeutu 1962-66.

Gadael sylw


Pori artistiaid

A B C D E F G H I J K L M N O P Q R S T U V W X Y Z i gyd Arall

Pori gwneuthurwyr a chynllunwyr

Pori yn ôl llythyren:

A B C D E F G H I J K L M N O P Q R S T U V W X Y Z i gyd