Rydych chi yn:  >   >   > 

Casgliadau Celf Arlein

Syr Watkin Williams-Wynn (1749-1789), Thomas Apperley (1734-1819) a'r Capten Edward Hamilton [Sir Watkin Williams-Wynn (1749-1789), Thomas Apperley (1734-1819) and Captain Edward Hamilton]

BATONI, Pompeo (1707 - 1787)

Syr Watkin Williams-Wynn (1749-1789), Thomas Apperley (1734-1819) a'r Capten Edward Hamilton

Dyddiad: 1768-72

Cyfrwng: olew ar gynfas

Maint: 289.0 x 196.0 cm

Derbyniwyd: 1947; Prynwyd

Rhif Derbynoli: NMW A 78

Casgliad: Casgliad Syr Watkin Williams-Wynn

Dechreuodd Syr Watkin Williams-Wynn ar ei Daith Fawr ym mis Mehefin 1768. Gydag ef yr oedd Edward Hamilton, swyddog yn y fyddin a cherddor amatur, a Thomas Apperley o Blas Grono, ger Wrecsam, ei 'athro' a fu gydag ef yn Rhydychen. Ar ôl bod ym Mharis a Fflorens, symudodd y criw i Rufain ym mis Tachwedd, ac yno archebodd Syr Watkin Williams-Wynn beintiadau hanes gan Anton Raphael Mengs a Pompei Batoni. Comisiynodd hefyd y portread hwn gan Batoni, sef peintiwr enwocaf y ddinas. Byddai ei waith yn cael ei edmygu'n arbennig gan enwogion o Brydain, a hwn yw ei bortread gorau o'r 'Daith Fawr'. Mae Syr Watkin yn sefyll ar y chwith â chreon yn ei law a chopi o ffresgo gan Raphael. Wrth y bwrdd mae Apperley yn tynnu sylw ei noddwr at ddarn o Ddwyfol Gân Dante. Mae Hamilton yn dal ffliwt ac yn pwyntio'n edmygus at yr arwyddion o ddysg llenyddol Apperley. Mae cerflun damhegol o Peintio yn y gilfan y tu ôl iddynt yn pwysleisio hoffter y tri dyn at y celfyddydau. O Rufain aeth Syr Watkin Williams-Wynn i Napoli cyn ddychwelyd adref drwy Fenis ym mis Chwefror 1769. Yn ystod ei oes byddai'r darlun hwn yn crogi yn Wynn House, ei gartref yn Sgwâr St. James yn Llundain.

Nid yw'r gwaith yn cael ei arddangos ar hyn o bryd

Gadael sylw


Pori artistiaid

A B C D E F G H I J K L M N O P Q R S T U V W X Y Z i gyd Arall

Browse makers and designers

Pori yn ôl llythyren:

A B C D E F G H I J K L M N O P Q R S T U V W X Y Z i gyd