Rydych chi yn:  >   >   > 

Casgliadau Celf Arlein

Y Clogwyn ym Mhenarth, Min Nos, Trai

SISLEY, Alfred (1839 - 1899)

Y Clogwyn ym Mhenarth gyda'r Hwyr, Trai

Dyddiad: 1897

Cyfrwng: olew ar gynfas

Maint: 54.4 x 65.7 cm

Derbyniwyd: 1993; Prynwyd; gyda chefnogaeth Cronfa Genedlaethol y Casgliadau Celfyddyd

Rhif Derbynoli: NMW A 2695

Bu Sisley yn ymweld â De Cymru ym 1897 a phriododd ei gymar tymor-hir, Eugénie Lescouezec, yng Nghaerdydd yr haf hwnnw. Peintiodd ugain o olygfeydd o Benarth (lle bu'n aros o 5 Gorffennaf i 15 Awst) a Bae Langland ger Abertawe. Roedd ffurfiant daearyddol unigryw y clogwyni ym Mhenarth, a'r cwymp rhyfeddol yn llanw Môr Hafren ar adeg distyll, o ddiddordeb mawr iddo. Peintiwyd yr olygfa hon o ddechrau'r llwybr ar hyd y clogwyn sy'n cysylltu Penarth a Larnog, gan edrych tua'r de, gydag Ynys Steep Holm ar y chwith. Golygfa gyda'r hwyr yw hon ac mae'r golau'n isel o'r gorllewin gan daflu cysgod glasgoch y clogwyn serth dros y traeth islaw. Roedd y darlun hwn yn eiddo gynt i Edmond Decap, brawd yng nghyfraith i François Depeaux, noddwr Sisley a gŵr yr oedd ganddo fuddiannau busnes yng Nghaerdydd. Soniodd yr arlunydd am anawsterau ymarferol peintio'r darlun pan ddywedodd iddo beintio 'yn erbyn y gwynt, sy'n tra-arglwyddiaethu yma. Doeddwn i ddim wedi dod ar draws hyn o'r blaen'.

Mae'r gwaith hwn yn cael ei arddangos ar hyn o bryd.

+ Dangos sylwadau

---

Gadael sylw


Pori artistiaid

A B C D E F G H I J K L M N O P Q R S T U V W X Y Z i gyd Arall

Browse makers and designers

Pori yn ôl llythyren:

A B C D E F G H I J K L M N O P Q R S T U V W X Y Z i gyd