Rydych chi yn:  > 

Blog David Anderson

Awst 2011

Gwaith ar ailddatblygiad Sain Ffagan yn parhau

Postiwyd gan David Anderson ar 24 Awst 2011

Diwedd wythnos diwethaf, treuliais ddiwrnod gyda Gr?p Dehongli Sain Ffagan yn edrych ar gynlluniau ar gyfer y orielau newydd arfaethedig. Mae'n gyffrous i weld y prosiect yn symud ymlaen wrth i ni ddechrau trafod sut bydd yr orielau yn edrych a beth allai ei gynnwys fel rhan o'r arddangosfeydd. Ar hyn o bryd, rydym yn gobeithio cael dwy oriel - un am Hanes Cymru ac un am sut mae pobl yn byw. Bydd angen i ni hefyd sicrhau bod digon o le ar gyfer ardal arddangosfeydd dros dro. Mae yna gymaint o storïau diddorol a phwysig i'w dweud, ac rydym yn ymwybodol na all pob un ohonynt gael eu cynnwys fel rhan o oriel parhaol. Felly, mae'n hanfodol bod gennym le o ansawdd uchel i gynnal amrywiaeth eang o arddangosfeydd. Yn bersonol, byddwn i'n hoffi gweld ar ryw adeg yn y dyfodol arddangosfa arall am blentyndod yng Nghymru yn ogystal â hanes gwleidyddol Cymru. Mae'r posibiliadau yn ddiddiwedd, ac rydym yn hapus i wrando ar unrhyw syniadau sydd gennych hefyd!

Dros y penwythnos, cymerais beth i ymlacio ac fe fum yn Glyndebourne i weld cynhyrchiad o Rinaldo gan Handel . Roedd y canu yn odidog ac roedd yn gynhyrchiad gwych, yn cyrraedd y safon uchel byddai rhywun yn disgwyl yn Glyndbourne. Yr oedd, fodd bynnag, yn gynhyrchiad eithaf gwahanol. Roedd y Cyfarwyddwr wedi penderfynu diweddaru'r cynhyrchiad fel bod ei fod wedi ei selio ar y thema ysgolion bechgyn yn erbyn ysgolion merched yng nghanol yr ugeinfed ganrif. Roedd Rinaldo yr arwr erbyn hyn yn fachgen ysgol oedd yn cael ei fwlio gan ei gyfoedion cyn cael ei gludo i fyd ffantasi, lle wedyn daeth yn arwr. Er ei fod yn gynhyrchiad diddorol, mae'n rhaid i mi gyfaddef fod yn well gen i fersiwn Handel ond serch hynny fe wnes i fwynhau'r hiwmor y cynhyrchiad yn Glyndebourne.

Digon yn digwydd!

Postiwyd gan David Anderson ar 17 Awst 2011

Fel y gallwch ddychmygu, mae wedi bod yn amser prysur ym mhob un o'n amgueddfeydd gan ei bod yn wyliau ysgol. Mae'n wych gweld yr holl amgueddfeydd yn llawn o bobl ac, ers mynediad am ddim, mae'n golygu bod ymweld ag amgueddfa genedlaethol yn fforddiadwy ar gyfer yr holl deulu. Rydym wedi bod yn brysur gyda digwyddiadau hefyd, megis ein presenoldeb yn yr Eisteddfod Genedlaethol yn Wrecsam. Roedd yr haul yn tywynnu ar y rhan fwyaf o ddyddiau, ac roedd yna awyrgylch hyfryd. Roedd ganddom ni stondin ac roedd llawer o ddiddordeb yn yr arddangosfa oedd gennym yn ymwneud â'r ardal. Roedd yn gyfle i ni annog ymwelwyr i ymweld â'r amgueddfa yn Wrecsam, lle mae gennym arddangosfa, yn ogystal ag ymweld â phob un o'r amgueddfeydd cenedlaethol. Er mai prif ffocws yr wythnos oedd ymgynghori â'r cyhoedd ynghylch ailddatblgyiad Sain Ffagan, cawsom hefyd lansiad llwyddiannus o'r rhifyn diweddaraf o'r cylchgrawn Glo. Roedd y Gweinidog, Huw Lewis, yn bresennol fe wnaeth ein helpu i lansio'r cylchgrawn. Mae'r ymateb i'r cynnwys wedi bod yn wych. Mae cael presenoldeb mewn digwyddiadau cenedlaethol megis yr eisteddfod yn hanfodol i'n gwaith, gan ei fod yn caniatáu i bobl nad ydynt yn byw yn agos at unrhyw un o'n safleoedd i brofi'r casgliadau cenedlaethol a chymryd rhan yn ein gwaith.

Ar fy ffordd yn ôl o Wrecsam, ymwelais ag Amgueddfa Hanes y Bobl ym Manceinion. Roeddwn wedi fy rhyfeddu gan y ffordd y mae'n llwyddo i adrodd hanes gwleidyddol o safbwynt y bobl. Mae'r graffeg yn gweithio'n arbennig o dda, a roddodd rhai syniadau imi ar gyfer ailddatblygiad Sain Ffagan.

Roeddem yn freintiedig iawn i allu croesaw artistiaid o Chongqing yn Tsieina yn Amgueddfa Genedlaethol Caerdydd fel rhan o wythnos Chongqing yng Nghymru. Cynhaliwyd yr agoriad swyddogol yma hefyd, ac roedd yn wych cwrdd â ffrindiau o Tsieina oedd wedi helpu gyda'r arddangosfa Dazu yn gynharach yn y flwyddyn. Roedd ein ymwelwyr wrth eu boddau gyda gwaith yr artistiaid yn ogystal â'r arddangosfa o luniau. Y gobaith yw y bydd hyn yn ddigwyddiad blynyddol, ac rydym yn gobeithio croesawu artistiaid eraill o Chongqing yn y dyfodol.

  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.