Cyflwyniad

[delwedd: Roman soldier]

Croeso i Adran Archaeoleg a Nwmismateg Amgueddfa Cymru.

Ers dros saith deg a phump o flynyddoedd bu'r Adran yn casglu tystiolaeth am fywyd a marwolaeth yng Nghymru, gan gynnwys pethau mor wahanol â dannedd mamoth, llongddrylliadau, darnau arian Celtaidd a phelenni canon. Gyda'i gilydd, mae'n nhw'n creu darlun o archaeoleg a hanes Cymru o'r cyfnod cynharaf mewn ogofâu 250,000 o flynyddoedd yn ôl, hyd at ddechrau'r chwyldro diwydiannol.

[delwedd: Roman pottery]

Yn ogystal ag astudio'r gweddillion hyn er mwyn deall mwy am darddiad Cymru, mae'r Adran yn ceisio cyflwyno'r darganfyddiadau hyn i wahanol gynulleidfaoedd — grwpiau ysgol, ymwelwyr â'r amgueddfa, pobl dros y we, cymdeithasau cenedlaethol ac academyddion.

Er mwyn bwrw'r maen i'r wal, rydyn ni'n gofalu am orielau yn Amgueddfa Genedlaethol Caerdydd yn ogystal â gwneud projectau gwaith maes a chyhoeddi gwahanol gatalogau ar y casgliadau, erthyglau academaidd a gweithiau mwy poblogaidd. Rydym hefyd yn trefnu rhaglen ddigwyddiadau amrywiol ar gyfer pob oedran a gwahanol lefelau.

[delwedd: Broets o aur Cymru o'r 14eg ganrif, gyda cherrig rhuddem a chameos]

Rhagor o wybodaeth a delweddau o'r casgliadau Archaeoleg a Nwmismateg:

[delwedd: Arrow pointing right]

Darllenwch fwy o straeon am ein casgliadau ar ein gwefan Rhagor.

digwyddiadau

  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.