Printiau a darluniau Amgueddfa Genedlaethol Caerdydd

O Rembrandt i Gwen John; Turner i Lucian Freud a Cézanne i Graham Sutherland — mae’r casgliad gwaith ar bapur yn gyfoethog ac yn amrywiol.

Gydag oddeutu 30,000 o weithiau unigol, mae’n cwmpasu ystod eang o gelf graffig Ewropeaidd ac mae celf Brydeinig a Chymreig yn gryfder penodol.

Mae’r casgliad yn amrywio o gampweithiau sy’n cael eu harddangos i frasluniau cychwynnol, yn ogystal â llyfrau ac albymau braslunio.

Mae’r casgliad printiau hefyd yn amrywiol iawn ac yn cynnwys engrafiadau cynnar, portffolios gan artistiaid cyfoes, printiau topograffaidd Cymreig a phortreadau.

Mae gennym ni ffotograffau hefyd gan gynnwys printiau o’r bedwaredd ganrif ar bymtheg a phortreadau cyfoes.

Mae gwaith ar bapur yn agored i niwed gan dymheredd, lleithder a golau, felly maent yn cael eu harddangos dan amgylchiadau a reolir am gyfnodau penodol.

Cadwch lygad allan am ein harddangosiadau newidiol yn yr orielau. Gallwch chi hefyd weld gweithiau trwy drefnu ymlaen llaw i ymweld â’r Ystafell Astudio Printiau a Darluniau. Mae croeso i unigolion a grwpiau.

Does dim ffordd well o ddeall artist na thrwy uniongyrchedd ei frasluniau a darluniau.

Rydyn ni’n gweithio tuag at gyhoeddi catalog o’r casgliad arlein, ond yn y cyfamser mae croeso i chi gysylltu â ni gydag unrhyw ymholiadau neu i drefnu apwyntiad, ar (029) 2057 3232 neu ebostio Printiau a darluniau

Paul Cézanne, The Diver, about 1865-67
Paul Cézanne, The Diver, about 1865-67
Watercolour, bodycolour and pencil on paper
Ystafell Astudio Printiau a Darluniau
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.