Amgueddfa Cymru

Y casgliadau cenedlaethol ar-lein

Mae Casgliad y Werin a'n gwefan 'Rhagor' yn rhoi cyfle i chi gyrchu a chreu eich amgueddfa eich hun, a chael mynediad i'r casgliadau cenedlaethol.

Cafodd Casgliad y Werin Cymru ei lansio yn 2010. Dyma’r lle i glywed rhai o leisiau enwocaf Cymru, a chreu eich teithiau eich hun o amgylch safleoedd treftadaeth amrywiol y wlad, a’u cadw ar eich dyfais symudol er mwyn dysgu mwy am hanes a threftadaeth eich ardal, ble bynnag y byddwch. Mae ystod o grwpiau swyddogol ac anffurfiol, o lyfrgellwyr i grwpiau hanes lleol, wedi cael hyfforddiant ar dechnegau amlgyfrwng a digidol a bellach mae dros 5,000 o gyfraniadau gan grwpiau neu unigolion ar y wefan ac mae 172 o grwpiau’n cymryd rhan weithredol yn y project.

Rhagor yw’r wefan lle cewch y straeon sydd tu ôl i’r casgliadau cenedlaethol, gan gynnwys erthyglau, lluniau, fideos, gweithgareddau rhyngweithiol, a llawer mwy sy’n helpu i ddod â’r cyfan yn fyw. Mae’r wefan wedi elwa ar gymorth arbenigwyr sydd â phrofiad o gynllunio gwefannau a’u gwneud yn hygyrch, yn ogystal â rhai heb fawr o brofiad o ddefnyddio’r rhyngrwyd.

At ei gilydd, maen nhw wedi helpu i greu a datblygu ein ‘hwythfed amgueddfa genedlaethol’. Mae’r tudalennau ‘Eich Hanes’ yn rhoi cyfle i chi gyfrannu eich lluniau a’ch atgofion chi i’r casgliadau, ac yn ffordd arall o ymgysylltu â threftadaeth Cymru.

» Rhagor o wybodaeth am Gasgliad y Werin

» Rhagor o wybodaeth am wefan Rhagor

  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.