Amgueddfa Genedlaethol Caerdydd

Bywyd Llonydd a Haniaeth Amgueddfa Genedlaethol Caerdydd

[delwedd: Bywyd llonydd gyda rhodlong a phier (1932) John Piper (1903-1992)]

Bywyd llonydd gyda rhodlong a phier (1932)
John Piper (1903-1992)
Pensil, dyfrlliw a gouache ar bapur
Ar fenthyg gan Ymddiriedolaeth Derek Williams

[delwedd: Paul Cézanne, Paul. Bywyd Llonydd â Thebot.]

Bywyd Llonydd â Thebot, 1902-06
Paul Cézanne, (1839-1906)
Olew ar gynfas

Edrych ar y cyswllt rhwng bywyd llonydd a haniaeth yng nghelf fodern yr ugeinfed ganrif wna'r gweithiau yn yr oriel hon.

Bywyd llonydd – trefnu gwrthrychau bob dydd ar fwrdd – oedd testun nifer o ddatblygiadau mwyaf radical dechrau'r ugeinfed ganrif.

Defnyddiwyd bywyd llonydd gan fudiadau fel Ciwbiaeth i ddatblygu iaith weledol fyddai'n arwain yn y pen draw at haniaeth bur.

Paentiadau Paul Cézanne a fraenarodd y tir ar gyfer y datblygiadau yma.

Dangosodd ei waith nad oedd yn rhaid i baentiad bellach adlewyrchu'r byd gweladwy.

Cafwyd cydnabyddiaeth bellach bod gan ffurf a lliwiau llun y grym i ennyn ymateb emosiynol, waeth beth a gynrychiolir ganddynt.

Roedd artistiaid eraill yn parhau i ymdrin â bywyd llonydd mewn dulliau traddodiadol, ond gwelwn bod nodweddion haniaethol y gwrthrychau ar y bwrdd yn bwysicach nag unrhyw ystyr symbolaidd traddodiadol, hyd yn oed ym mhaentiadau tawel, diamser Giorgio Morandi.

» Nôl i Celf

  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.