Amgueddfa Genedlaethol Caerdydd

Goscombe John a ‘Cherflunwaith Newydd’ Amgueddfa Genedlaethol Caerdydd

Syr William Goscombe John (1860-1952) oedd arweinydd y mudiad ‘Cerflunwaith Newydd’ ym Mhrydain.

Gwnaeth gyfraniad blaenllaw i’r adfywiad diwylliannol yng Nghymru ddiwedd y bedwaredd ganrif ar bymtheg hefyd.

Nod y Mudiad Cerflunwaith Newydd oedd creu bywiogrwydd ym myd cerflunwaith trwy gyfleu’r corff dynol yn fwy naturiol.

Pan oedd Goscombe John yn 14 oed, bu’n cerfio addurniadau pensaernïol fel rhan o waith ailadeiladu Castell Caerdydd.

Ym 1881, aeth i Lundain i ddysgu crefft modelu naturiaethol gyda chlai. Roedd yn fyfyriwr arbennig, a threuliodd flwyddyn ym Mharis wedyn, lle gwelodd y cerflunydd Ffrengig Auguste Rodin wrth ei waith.

Er mai Llundain oedd ei gartref, roedd Cymru’n allweddol i’w yrfa. Gallwch weld llawer o’i gerfluniau cyhoeddus o amgylch Caerdydd heddiw, ac ef gynlluniodd y medalau sy’n dal i gael eu cyflwyno yn yr Eisteddfod Genedlaethol hyd heddiw.

Erbyn 1914, roedd Cerflunwaith Newydd wedi’i ddisodli gan y Mudiad Modern a oedd yn hyrwyddo’r arddulliau ‘cyntefig’ a’r grefft o naddu’r garreg ei hun.

Yn y 1920au fodd bynnag, cafodd John sawl comisiwn i greu cofebion i feirwon y Rhyfel Mawr. Roedd yn gefnogwr brwd i Amgueddfa Cymru hefyd, a chyflwynodd lawer o’i weithiau ei hun a dylanwadu ar greu’r casgliad celf cenedlaethol.

» Nôl i Celf

[delwedd: NMW A 127, William Goscombe John, Myrddin ac Arthur, 1902]

NMW A 127, William Goscombe John, Myrddin ac Arthur, 1902

[delwedd: NMW A 588, George Roilos, Sir William Goscombe John (1860-1952), 1902]

NMW A 588, George Roilos, Sir William Goscombe John (1860-1952), 1902

[delwedd: Map oriel 17]

Lleoliad:

Oriel - Rotunda
Amgueddfa Genedlaethol Caerdydd
  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.