Argraffiadaeth ac Ôl-Argraffiadaeth Ffrengig Amgueddfa Genedlaethol Caerdydd

Roedd yr Argraffiadwyr yn gwrthryfela yn erbyn gwerthoedd hen ffasiwn y byd celf Ffrengig.

Cyn hir, dechreuodd eu testunau modern, eu dull peintio rhydd a’u lliwiau llachar ysbrydoli technegau newydd eraill.

Ym 1874, fe wnaeth criw o arlunwyr Ffrengig wneud safiad cadarn yn erbyn y Paris Salon – arddangosfa bwysig y wladwriaeth – ac yn eu plith, Pierre-Auguste Renoir, Claude Monet a Camille Pissarro.

I bwyllgor dethol llym y Salon, roedd paentiadau’r artistiaid hyn yn orliwgar ac anorffenedig. Mewn protest, penderfynodd yr artistiaid gynnal eu harddangosfa annibynnol eu hunain. Achosodd hyn gryn dipyn o stŵr a dadlau, a chawsant eu bedyddio’n ‘Argraffiadwyr’.

Roedd eu gwaith celf yn ddigyfaddawd o fodern, gan ddefnyddio testunau cyffredin o fywyd bob dydd Paris.

Byddent yn peintio yn yr awyr agored yn aml, yn defnyddio lliwiau llachar ac yn peintio’n gyflym i gyfleu’r ‘argraff’ o eiliad mewn amser. Roedd cerflunwyr hefyd yn dibynnu ar arsylwi yn hytrach na syniadau dychmygus am brydferthwch delfrydol.

Er bod yr Argraffiadwyr yn destun gwawd i ddechrau, dechreuodd artistiaid weld byd o bosibiliadau newydd.

Arbrofodd llawer gyda’u technegau a sefydlodd rhai eu mudiad arddulliadol eu hunain. Bellach, cyfeirir atynt fel yr ‘ôl-argraffiadwyr’.

Ar ôl llwyddo i oresgyn rheolau a rhagfarnau byd celf Paris, llwyddodd yr Argraffiadwyr i adael eu hôl a dylanwad parhaol yn rhyngwladol.

» Nôl i Celf

NMW A 2495, Pierre-Auguste Renoir, La Parisienne, 1874
NMW A 2495, Pierre-Auguste Renoir, La Parisienne, 1874
NMW A 2484, Claude Monet, Lilïau Dŵr, 1905
NMW A 2484, Claude Monet, Lilïau Dŵr, 1905
NMW A 2463, Vincent Van Gogh, Glaw - Auvers, 1890
NMW A 2463, Vincent Van Gogh, Glaw - Auvers, 1890
Map oriel 16

Lleoliad:

Oriel 16
Amgueddfa Genedlaethol Caerdydd
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.