Rydych chi yn:  >   >   >   >   >   > 
English

Celf ar ôl Cézanne: Y ‘Cyntefig’ a’r Modern Amgueddfa Genedlaethol Caerdydd

Cynnyrch chwyldroadol Paul Cézanne a darganfod celf ‘gyntefig’ – rhai o’r dylanwadau a arweiniodd at ddatblygu celf fodern yn Ewrop.

Cafodd paentiadau Cézanne ddylanwad aruthrol ar artistiaid ddechrau’r ugeinfed ganrif.

Enillodd ei blwyf gyda’i dechneg brwsio rydd ac argraffiadol, a diolch i esiampl Cézanne anogwyd artistiaid avant garde i ddefnyddio mwy o strwythur yn eu gwaith.

Defnyddiodd ei baentiadau i awgrymu ffyrdd y gallai elfennau ffurfiol gwaith celf – ffurf, lliw, llinell a gwead – fod yn bwysig ac yn llawn mynegiant eu hunain. Nid oedd rhaid i gelf adrodd stori neu gyfleu realaeth mwyach.

Dechreuodd artistiaid droi cefn ar y traddodiadol, a chwilio am ysbrydoliaeth mewn celfyddyd ‘gyntefig’ gan gynnwys cerflunwaith Affricanaidd, celf gwerin Ewropeaidd a chelf plant.

Roeddynt yn edmygu’r ffaith bod y ffurfiau hyn yn ffafrio dulliau mynegiant mwy uniongyrchol ar draul naturoliaeth.

Cafodd celf y gorllewin hwb o’r newydd, diolch i ddylanwad Cézanne a’r cysylltiadau ‘cyntefig’.

Arweiniodd hynny at gryn arloesi fel datblygu Ciwbiaeth a datblygiad celf haniaethol maes o law.

» Nôl i Celf

Paul Cézanne (1839-1906), Hanner Dydd, L'Estaque, olew ar gynfas, tua 1879.
Paul Cézanne (1839-1906), Hanner Dydd, L'Estaque, olew ar gynfas, tua 1879.
NMW A 29292, Cedric Morris, Dwy Chwair, 1935, '© Cedric Morris Estate'
NMW A 29292, Cedric Morris, Dwy Chwair, 1935, '© Cedric Morris Estate'
Map oriel 14

Lleoliad:

Oriel 14
Amgueddfa Genedlaethol Caerdydd