Amgueddfa Genedlaethol Caerdydd

Crefftwaith Cyfoes Amgueddfa Genedlaethol Caerdydd

Mae'r Amgueddfa wedi casglu crefftwaith cyfoes er 1924 ac wedi datblygu casgliad cynrychiadol o grochenwaith stiwdio clasurol o'r 20fed ganrif gan grochenwyr megis Bernard Leach, Michael Cardew, Lucie Rie a Hans Coper.

Mae'r casgliadau hefyd yn adlewyrchu byd bywiog y crefftau yng Nghymru gan gynnwys enghreifftiau o serameg gan Walter Keeler, Morgen Hall, Michael Flynn, Claire Curneen ac eraill, gwaith arian gan Pamela Rawnsley ac esiamplau o emwaith, celfi a gwydr lliw wedi'u gwneud yng Nghymru.

Gellir gweld serameg gyfoes, bwysig o'r tu hwnt i Gymru hefyd gan gynnwys gwaith gan Edmund de Waal, Julian Stair, Carol McNicoll, Betty Woodman o'r Unol Daleithiau a Claudi Casanovas o Sbaen.

Mae'r Amgueddfa yn casglu gwydr a metelwaith cyfoes hefyd. Mae gennym wydr gan Colin Reid, Bruno Romanelli a Rachael Woodman yn y casgliad a metelwaith gan Hiroshi Suzuki, Junko Mori, Simone ten Hompel ac eraill.

Mae Ymddiriedolaeth P&O Makower wedi benthyg un o'i chasgliadau arian i'r Amgueddfa sy'n cynnwys gwaith gan Chris Knight, Ndidi Ekubia ac eraill.

Mae casglu crefftwaith cyfoes erbyn hyn yn flaenoriaeth i'r Amgueddfa. Rhoddwyd mwy o ofod arddangos i grefftwaith yn ddiweddar ac mae arddangosiadau'n cynnwys gwrthrychau ar fenthyg gan gasgliad Ymddiriedolaeth Derek Williams.

» Nôl i Celf

[delwedd: Hans Coper, stoneware vase]

Hans Coper, stoneware vase, 1973

[delwedd: Betty Woodman, Diptych: the Balcony, painted earthenware]

Betty Woodman, Diptych: the Balcony, painted earthenware, 2008

  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.