Rydych chi yn:  >   >   > 

Datganiadau i'r Wasg

Datganiad i’r wasg ynghylch gweithredu diwydiannol ar 18 Mehefin 2014

“Bydd gweithredu diwydiannol yn effeithio rhyw gymaint ar safleoedd Amgueddfa Cymru rhwng 12pm a 2pm heddiw (dydd Mercher, 18 Mehefin 2014). Fodd bynnag, bydd pedair o’r saith safle’n aros ar agor yn ystod y ddwy awr honno ac rydym yn gwneud ein gorau i sicrhau parhad ein gwasanaethau i’r cyhoedd drwy gydol y dydd. Rydym yn argymell i’n hymwelwyr fynd i’r wefan am ragor o wybodaeth cyn ymweld ag unrhyw un o’r safleoedd.

“Mae Undeb PCS (Public and Commercial Services) wedi penderfynu cynnal streic yn ystod cyfnod o drafod parhaus ynghylch dyfodol lwfansau ychwanegol a delir i staff am weithio dros benwythnosau a gwyliau banc (Taliadau Premiwm). Wrth reswm, mae amseru’r gweithredu’n siomedig, gan ein bod yn parhau i ystyried yr ymatebion a ddaeth i law yn ystod y cyfnod ymgynghori 45 diwrnod swyddogol ac yn dal i drafod opsiynau â’n hundebau cydnabyddedig a staff. Dyma bwysleisio na wnaed unrhyw benderfyniadau hyd yn hyn.

“Er gwaethaf 15% o leihad (mewn termau real) i’n cyllideb, ymhlith ein cynigion mae cynyddu cyflog sylfaenol y staff ar y cyflogau isaf, cyflwyno Cyflog Byw a dim diswyddiadau gorfodol ar hyn o bryd.

“Gobeithiwn ddod i gytundeb er mwyn ceisio osgoi unrhyw effeithiau pellach ar ein hymwelwyr a’n gwasanaethau.”

Dyddiad: 18 Mehefin 2014
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.