Rydych chi yn:  >   >   > 

Datganiadau i'r Wasg

Noson gyda’r Minions yn denu’r torfeydd

Gawsoch chi awydd erioed i grwydro’r amgueddfa ar ôl diffodd y goleuadau a chloi’r drysau? Dyma’ch cyfle!

O 6pm ar ddydd Mercher 16 Mai, bydd yr Amgueddfa yn llawn bwrlwm gwyddoniaeth gyda gweithgareddau celf a chrefft, arddangosiadau gwyddoniaeth gwyllt, llwybr i’r teulu a ffilm 3D (o 7.30pm).

Gall ymwelwyr grwydro’r orielau i ganfod ffeithiau di-ri am y Lleuad, creu gogyls a phypedau bysedd wedi’u hysbrydoli gan Minions Despicable Me, neu dynnu llun o’u hunain ar roced.

Ers lansio yn 2009 mae Noson yn yr Amgueddfa wedi dod yn boblogaidd iawn gyda theuluoedd.

“Mae’r ymateb i’r digwyddiad wedi bod yn wych hyd yn hyn ac mae nifer wedi archebu lle yn barod,” meddai’r Cynorthwy-ydd Digwyddiadau, Andrew Kuhne.

“Mae’n gyfle i fod yn greadigol gyda’r arddangosfeydd a’r gwrthrychau ac yn gyfle i ymwelwyr weld yr Amgueddfa mewn goleuni newydd.”

“Fel amgueddfa sy’n canolbwyntio ar ddiwydiant a blaengaredd Cymru, mae’n cynnig profiad gwahanol i ymwelwyr – digwyddiad y gall y teulu cyfan ei fwynhau.”

Mae’r gweithgareddau yn dechrau am 6pm gyda mynediad yn £3.50 y pen (am ddim i blant dan 3 oed). Rhaid archebu ymlaen llaw, drwy ffonio (029) 2057 3600.

Dyddiad: 14 Mai 2014
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.