Rydych chi yn:  >   >   > 

Amgueddfa Cymru

Datganiadau i'r Wasg

Io ho ho a hwyl i bawb ym Mhenwythnos Môr-Ladron yr Amgueddfa!

Bydd digonedd o hwyl am ddim i’r teulu dros y penwythnos gyda gweithgareddau môr-ladron yn llenwi dau ddiwrnod yn Amgueddfa Genedlaethol y Glannau.

[delwedd: ]

[delwedd: ]

Hwyliwch draw i’r amgueddfa yng nghanol y dref i fwynhau llu o weithgareddau morwrol rhwng 11am a 4pm ar ddydd Sadwrn a dydd Sul (10 a 11 Awst).

Trowch eich llaw at ein replica o beiriant creu rhaffau o’r 19eg ganrif  19th, crëwch het neu batsyn llygad môr-leidr eich hun, neu greu a phrofi cwch sy’n arnofio.

Bydd cyfle hefyd i’r plant ymarfer eu sgiliau cleddyfa mewn gweithgaredd ffensio ffyrnig (dydd Sadwrn yn unig), clywed straeon syfrdanol gan fôr-leidr yr Amgueddfa ei hun, neu fynd ar helfa drysor o amgylch yr orielau.

Byddwn ni hefyd yn croesawu ymwelwyr pluog i’r Amgueddfa o’r Parrott Society ym Mhen-y-bont, a cofiwch gadw llygad am Capten Jack Sparrow fydd yn galw draw i ddweud helo!

Wrth siarad am y penwythnos sydd i ddod, dywedodd y Cynorthwy-ydd Digwyddiadau Andrew Kuhne: “Rydyn ni’n edrych ymlaen yn fawr at y gweithgareddau sydd wedi’u trefnu ar gyfer y penwythnos. Bydd digon i ddiddori’r teulu i gyd a’r cyfan am ddim.”

Yn ogystal â’r gweithgareddau, mae’r orielau a’r arddangosiadau dros dro – gan gynnwys Camlesi Cymru, golwg ddiddorol ar ddatblygiad dyfrffyrdd Cymru dros 200 mlynedd – yn atyniadau sy’n gwneud Amgueddfa Genedlaethol y Glannau yn lle gwych i ymweld â hi dros y penwythnos.

Cofiwch hefyd am y gweithdy crefftau campus i blant yn eu harddegau am 1.30pm dydd Sadwrn. Cyfle i weddnewid hen ddefnydd ac oelcloth yn fagiau ymbincio prydferth gyda drychau llaw i fatsio!

Mae’r gweithdy am ddim, ond rhaid archebu lle ymlaen llaw (029) 2057 3600.

DIWEDD

Dyddiad: 8 Awst 2013
« Nôl i'r pennawdau newyddion
  • Amgueddfa Genedlaethol Caerdydd

    [delwedd: Amgueddfa Genedlaethol Caerdydd]

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    [delwedd: Sain Ffagan]

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    [delwedd: Big Pit]

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    [delwedd: Amgueddfa Wlân Cymru]

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    [delwedd: Amgueddfa Lleng Rufeinig Cymru]

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    [delwedd: Amgueddfa Lechi Cymru]

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    [delwedd: Amgueddfa Genedlaethol y Glannau]

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.