Rydych chi yn:  >   >   > 

Datganiadau i'r Wasg

Arddangosfa Prehistoric Autopsy y BBC ar daith yn Amgueddfa Genedlaethol Caerdydd

Yn dilyn y gyfres boblogaidd a gyflwynwyd gan yr Athro Alice Roberts a Dr George McGavin ar y BBC, Prehistoric Autopsy, bydd Amgueddfa Genedlaethol Caerdydd yn llwyfannu arddangosfa ryngweithiol addysgol y BBC. Cynhelir yr arddangosfa, sy’n ategu’r gyfres, ar 8-11 Tachwedd ym Mhrif Neuadd yr Amgueddfa.

Anelir yr arddangosfa newydd at deuluoedd â phlant 7-12 oed, gan roi cyfle i ymwelwyr ddod wyneb yn wyneb â thri o’n cyndeidiau cynharaf: tri model maint llawn yn y cnawd o Neanderthal, Homo Erectus ac Australopithecus Afarensis ynghyd â’u sgerbydau symudol. Uchafbwynt yr arddangosfa fydd yr union fodelau a ddefnyddiwyd yn y gyfres deledu ac sydd wedi cael eu hailadeiladu mewn manylder ar sail gweddillion darniog esgyrn hynafol a’r ymchwil wyddonol ddiweddaraf.

 

Bydd yma hefyd weithgareddau rhyngweithiol a gemau a chyfle i ail-greu rhai o’r addurniadau cregyn y byddai ein cyndeidiau o bosibl yn eu gwisgo.

 

Bydd Curadur Archaeoleg Balaeolithig a Mesolithig Amgueddfa Cymru, Elizabeth Walker yn rhoi sgwrs am Neanderthaliaid yng Nghymru am 1pm ar ddydd Iau 8, dydd Gwener 9, dydd Sadwrn 10 a dydd Sul 11 Tachwedd. Yn ogystal ag arddangos y casgliad trafod, bydd yn siarad am y gwaith cloddio archaeolegol yn Ogof Pontnewydd, Sir Ddinbych lle mae gweddillion o leiaf pum Neanderthal wedi cael eu canfod ynghyd ag offer cerrig ac esgyrn rhai o’r anifeiliaid y byddent yn eu hela. Bydd y sgwrs hon yn adrodd hanes y darganfyddiadau yn yr ogof – y dystiolaeth sy’n gwella ein dealltwriaeth o fywydau’r Neanderthaliaid a’r wlad yr oeddent yn byw ynddi.

 

Meddai Curadur Archaeoleg Balaeolithig a Mesolithig Amgueddfa Cymru, Elizabeth Walker; “Mae’r gyfres ar y BBC wedi bod yn un hynod ddiddorol ac rydym wrth ein boddau fod yr arddangosfa yn dod i Amgueddfa Genedlaethol Caerdydd. Mae’n gyfle gwych i ymwelwyr gael golwg fanwl ar y modelau maint llawn a dysgu mwy am hanes esgyrn a’r hyn y gallwn ei ddysgu ohonynt am hanes unigolyn, rhywogaeth a beth yw bod yn ddynol.”

Dyddiad: 5 Tachwedd 2012
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.