Rydych chi yn:  >   >   > 

Datganiadau i'r Wasg

Dechrau dathlu Mis Hanes Pobl Dduon

Rydyn ni wrthi’n gorffen paratoi dathliadau Mis Hanes Pobl Dduon yma yn Amgueddfa Genedlaethol y Glannau.

Ar ddydd Sadwrn 20 Hydref (11am-4pm), bydd yr Amgueddfa’n fwrlwm o weithfeydd ymarferol, perfformiadau cerddorol, sgyrsiau hanesyddol ac arddangosfeydd cymunedol.

Nod y digwyddiad, sydd wedi’i drefnu gyda chymorth y Gr?p Partneriaeth Affricanaidd, yw cydnabod cyfraniad pobl dduon i hanes a diwylliant lleol, cenedlaethol a bydol.

Cynigir gweithdai ymarferol ar gelf Jamaicaidd yn ogystal â sesiynau graffiti wedi’u hysbrydoli gan arwyr chwaraeon croenddu. Ymhlith y sgyrsiau hanesyddol mae Adeiladu’r Drydedd Groesgad gyda’r Athro Edbury (11am), Llythrennedd a Chydweithredu yn Haiti gyda Jean-Robert Cadet (12pm a 2.30pm) a Un Dynolryw gan Nicky Delago (12pm, 1pm, 2pm a 3pm).

Llwyfannir perfformiadau gan Theatr Ieuenctid Gorllewin Morgannwg a’r Ganolfan Gymunedol Affricanaidd i Bobl Ifanc yn ogystal ag arddangosiad o ddawnsio Nigeraidd gan Place of Victory a pherfformiad corawl o gân Anti Restevek – Lambi Konen Pou Tout Timoun – gan Ysgol Bryntawe.

Wrth siarad am y digwyddiad, meddai Sue James, Swyddog Addysg yr Amgueddfa: “Rydym yn falch iawn o gael cynnig cymysgedd mor gyfoethog ac amrywiol o weithgareddau er mwyn ceisio dangos cyfraniad pobl Affrica i ddiwylliant a threftadaeth Cymru. Mae gennym sgyrsiau hanesyddol, cerddoriaeth, arddangosfeydd ysgolion a pherfformiadau gan bobl ifanc, ac mae’r digwyddiad yn tyfu bob blwyddyn. Mae cymaint i’w weld, gobeithio y bydd pobl yn galw draw i ymuno yn yr hwyl ac i ddysgu mwy am y dreftadaeth yr ydym yn ei rhannu.”

DIWEDD

Ffotograffau: mae croeso i aelodau’r wasg fynychu, cysylltwch â Marie Szymonski ar (029) 2057 3616.

Dyddiad: 19 Hydref 2012
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.