Rydych chi yn:  >   >   > 

Datganiadau i'r Wasg

Casgliad celf Prydeinig y Cymro Derek Williams i ymweld รข'r Alban

Y Cymro Derek Williams yw cymwynaswr mwyaf Amgueddfa Cymru ers Gwendoline a Margaret Davies. Eleni, bydd gweithiau o Gasgliad Ymddiriedolaeth Derek Williams yn teithio i’r Alban i gael eu dangos mewn arddangosfa newydd yn Pier Arts Centre, Stromness, Orkney o ddydd Sadwrn 1 Medi – 17 Tachwedd ac yn City Art Centre yng Nghaeredin o 1af o Ragfyr i 24ain o Chwefror 2013.

 

Bydd arddangosfa o ddeugain a mwy o weithiau gan artistiaid Prydeinig mwyaf yr 20fed ganrif yn cael ei chynnal yn Pier Arts Centre. Mae gweithiau gan L.S. Lowry, Henry Moore, John Piper, Ceri Richards, Ivon Hitchens a llawer mwy yn rhan o Gasgliad Ymddiriedolaeth Derek Williams, ac mae ar hyn o bryd ar daith gyfyngedig o amgylch y DU.

Noddir yr arddangosfa yn Pier Arts Centre gan Allianz a Clark Thomson Insurance Brokers, a noddir y daith genedlaethol gan Ymddiriedolaeth Derek Williams ac Amgueddfa Cymru.

Tirfesurydd siartredig oedd yn byw ac yn gweithio yng Nghaerdydd oedd Derek Williams (1929-1984), a dechreuodd gasglu gweithiau celf yn y 1950au. Roedd yn frwd dros gelf Brydeinig fodern, a cafodd ei ddenu drwy hyn at waith John Piper a Ceri Richards – eu gweithiau hwy yw asgwrn cefn y casgliad. Ategir y rhain gan weithiau artistiaid blaenllaw eraill o ganol yr 20fed ganrif, fel Stanley Spencer, Victor Pasmore a Lucian Freud. Mae’r casgliad yn ei gyfanrwydd ar fenthyciad tymor hir i Amgueddfa Cymru.

Meddai Melissa Munro, Curadur Casgliad Ymddiriedolaeth Derek Williams, “Adeiladodd Derek Williams gasgliad anhygoel o gelf Brydeinig fodern yn ystod ei fywyd, ac mae Ymddiriedolaeth Derek Williams yn parhau i’w ddatblygu heddiw. Mae Amgueddfa Cymru ac Ymddiriedolaeth Derek Williams yn hynod falch o gael dod â’r casgliad unigryw hwn i’r Alban, gyda’r gobaith o godi ymwybyddiaeth o’r casgliad y tu hwnt i Gymru.”

Sefydlwyd yr Ymddiriedolaeth wedi marw’r casglwr ac mae wedi ymrwymo i ofalu am, datblygu ac arddangos casgliad Derek Williams. Mae’r Ymddiriedolaeth hefyd yn hael ei chefnogaeth i’r gwaith o brynu gweithiau celf wedi 1900 yn Amgueddfa Cymru.

Meddai Andrew Parkinson, Curadur Pier Arts Centre, “Rydyn ni’n falch iawn o ddod a chasgliad mor gyfoethog o gelf Prydeinig i Orkney. Tra bod gweithiau Casgliad Derek Williams yn dod o’r un cyfnod yn fras â gweithiau casgliad Pier Arts Centre, mae’n olwg hollol wahanol ar gelf tirlun a haniaethol Prydeinig. Mae elfen tipyn yn fwy rhamantaidd a bugeiliol i waith artistiaid fel Ivon Hitchens, John Piper a David Jones a bydd yn ddiddorol gweld eu gwaith hwy ac artistiaid eraill o Gasgliad Derek Williams ochr yn ochr â Moderniaeth greiddiol casgliad Pier Arts Centre.”

Bydd Melissa Munro, Curadur Casgliad Derek Williams yn tywys taith drwy’r arddangosfa ar ddydd Sadwrn 1 Medi am 2pm. Mae mynediad am ddim a chroeso i bawb.

Diwedd

 

Dyddiad: 28 Awst 2012
« Nôl i'r pennawdau newyddion
  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.