Casgliadau

Mae'r casgliad o drychfilod a phryfedyn cynnwys oddeutu 700,000 o sbesimenau, sydd wedi'u rhannu'n fras yn eu hanner rhwng y rheini sydd o Brydain a'r rheini nad ydynt o Brydain. Fe'u cedwir ar wahân mewn dilyniant tacsonomaidd yn ôl pob Urdd, ar hambyrddau ac estyll unedol mewn droriau safonol.

Mae'r casgliad Prydeinig yn cynnwys cynrychiolaeth gynhwysfawr o'r Urddau Lepidoptera (ieir bach yr haf a gwyfynod), Coleoptera (chwilod), Diptera (gwir bryfed) Hemiptera Auchenorrhyncha (sboncynnod y dail, sboncynnod planhigion ayyb, Heteroptera (gwir lau) a Hymenoptera (gwenyn a gwenyn meirch). Mae hefyd cynrychiolaeth dda o'r rhan fwyaf o grwpiau eraill. Y polisi tuag at y casgliad Prydeinig yw datblygu casgliad Prydeinig sydd mor gyflawn ag sy'n bosibl ym mhob grwp.

Ymhlith y Casgliadau Prydeinig nodedig y mae H.M. Hallett (Coleoptera ac Acculeate)' A.E. Gardner (Coleptera); J.R. le B. Tomlin, B. McNulty, rhan o gasgliad Hemiptera W.J. Le Quesne a F.J. Coulson a M.F. Claridge.

Yn y casgliad Amhrydeinig, ceir daliadau sylweddol o bryfed o'r holl Urddau o lawer iawn o ardaloedd, a ddefnyddir ar gyfer arddangosiadau addysgu ar wahanol lefelau. Heblaw am Lepidoptera cyffredinol, ceir hefyd gasgliadau pwysig o Coleoptera, Diptera a Hemiptera, sydd wedi datblygu drwy ddiddordebau ymchwil aelodau'r staff. Mae polisi caffael sbesimenau'n canolbwyntio ar y rhanbarthau Palaearctig yn ogystal â'r Affrotrofannol, er, at ddibenion ymchwil, gall y ffocws fod yn ehangach.

Ymhlith y casgliadau nodedig (heblaw am y rheini a wnaethpwyd gan y staff), ceir casgliad Hemiptera R. Linnavuori o'r Dwyrain Canol ac Affrica a rhan o gasgliad J.A.J. Simpson o bryfed sydd o bwys meddygol.

Craidd cryfderau'r Is-adran Bryfeteg yw'r gwaith tacsonomaidd a ffawnistaidd ar Diptera (yn enwedig Muscidae, Agromyzidae a Chloropidae), Hemiptera: Auchenorrhyncha a Choleoptera.

  • Amgueddfa Genedlaethol Caerdydd

    Amgueddfa Genedlaethol Caerdydd

    Cewch ddarganfod celf, daeareg a hanes natur. Gyda rhaglen newidiol o arddangosfeydd a digwyddiadau, mae rhywbeth i syfrdanu pawb, beth bynnag sy'n mynd â'ch bryd — ac mae mynediad am ddim!

  • Sain Ffagan Amgueddfa Werin Cymru

    Sain Ffagan

    Sain Ffagan yw un o brif amgueddfeydd awyr agored Ewrop, ac atyniad ymwelwyr mwyaf poblogaidd Cymru.

  • Big Pit Amgueddfa Lofaol Cymru

    Big Pit

    Pwll glo go iawn yw'r Pwll Mawr, ac un o amgueddfeydd mwyngloddio gorau Prydain.

  • Amgueddfa Wlân Cymru

    Amgueddfa Wlân Cymru

    Mae Amgueddfa Wlân Cymru, sydd yn hen ffatri wlân y Cambrian Mills, yn lle arbennig ac mae ganddi stori gyfareddol i'w hadrodd.

  • Amgueddfa Lleng Rufeinig Cymru

    Amgueddfa Lleng Rufeinig Cymru

    Yn OC75, sefydlodd y Rhufeiniaid caer yng Nghaerllion a fyddai'n gwarchod yr ardal am dros 200 o flynyddoedd. Heddiw, yn Amgueddfa Lleng Rufeinig Cymru yng Nghaerllion, byddwch yn dysgu pam yr oedd byddin y Rhufeiniaid cymaint i'w hofni.

  • Amgueddfa Lechi Cymru

    Amgueddfa Lechi Cymru

    Mae'r Amgueddfa Lechi'n cynnig diwrnod llawn mwynhad ac addysg mewn ardal ddramatig o brydferth ar lan Llyn Padarn.

  • Amgueddfa Genedlaethol y Glannau

    Amgueddfa Genedlaethol y Glannau

    Mae Amgueddfa Genedlaethol y Glannau yn adrodd hanes diwydiant ac arloesi yng Nghymru, heddiw a thros y 300 mlynedd diwethaf.

  • Rhagor: Archwilio'r Casgliadau

    Gwefan newydd cyffrous yw 'Rhagor' lle cewch ddysgu rhagor am ein casgliadau hynod.